ЯҢАЛЫКЛАР

Шушы көннәрдә Алабуганың "Яңа йорт" балалар һәм яшүсмерләр өчен социаль приютында  "Буыннар сәламәтлеге" дигән чара узган.  Чараның максаты авыр тормыш хәлендә калган һәм тискәре йогынтыга бирешүчән балалар арасында  тәмәке тартуны кисәтүдән гыйбарәт.

Бүген Казан халыкны эш белән тәэмин итү үзәгендә  сәүдә һәм сату өлкәсе өчен эшчеләр эзләү буенча рекрутинг компанияләре катнашында максатчан вакантлы эш урыннары кече ярминкәсе узган.

Кичә чираттагы гамәли семинар барышында Балинт төркеме психологик белешмәләр һәм коррекция дәресләрендә арт-терапия куллану дигән сорау буенча фикер алышу оештырган.

Шушы көннәрдә  Апас районы социаль яклау бүлеге тарафыннан "Иң яхшы социаль тәэмин итү учреждениесе хезмәткәре"  Бөтенрусия конкурсының республика этабы узыдырылган.  Конкурс зоналар буенча социаль хезмәткәрләр арасында үткән.

Бүген Түбән Каманың халыкны эш белән тәэмин итү үзәгендә эш бирүче көне узган.  Эшсез һәм яңа эшчәнлек өлкәсе эзләгән гражданнарга "ПРЕТТЛЬ-НК"  ҖЧҖ  вакансияләр тәкъдим иткән. 

Бөгелмәнең "Ялкын"  балалар һәм яшүсмерләр өчен социаль приютында хезмәткәрләрнең психик сәламәтлеген саклау, тискәре хисләрне, стресс халәтен киметү максатыннан төрле консультацияләр, тренинг, дәресләр үткәрелә. 

Бүгенге көндә Татарстанда 18287 эшсез граждан исәпләнә.

Бөек Ватан сугышында Җиңүнең 70 еллыгын бәйрәм итүгә әзерлек кысаларында Биектау районында  "Без - Бөек Җиңү варислары-2015" дигән акция   башланып киткән.  Җыелган акчалар  Бөек Ватан сугышы ветераннары һәм тол солдат хатыннарының йортларында төзекләндерү эшләренә, инженер челтәрләрен, газ җайланмаларын,  санитар-техник приборларын алыштыруга тотылачак.