Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

"Гаилә" үзәгендә "Төрле төстәге балачак" дигән балалар рәсеме конкурсы игълан ителә

2014 елның 1 августы, җомга

"Гаилә" гаиләгә һәм балаларга социаль ярдәм мәгълүмати-методик үзәгендә 1 нче августтан 5 нче сентябрьгә чаклы "Төрле төстәге балачак" дигән балалар рәсеме конкурсы игълан ителә. Конкурста республиканың гаиләгә һәм балаларга социаль хезмәт күрсәтү учреждениеләре карамагында булган 16 яшькә чаклы балалар катнаша ала.
Рәсемнәрне 420124, Казан шәһәре, Ямашев урамы, 37 нче йорт адресы буенча юлларга кирәк. Тел.(факс): (843)523-70-48, e-mail: gaile-info@mail.ru.
Җиңүчеләрне кыйммәтле бүләкләр, дипломнар көтә. Ә аларның иҗади эшләре "Гаилә" республика үзәге сайтында урын алачак.
Бу чара балигъ булмаганнарга карата көч куллану һәм мәрхәмәтсез карашны кисәтүгә юнәлдерелгән социаль программалар республика конкурсы кысаларында уздырыла.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Республикада хезмәт хакын вакытында түләүне тәэмин итү буенча эш дәвам итә

Татарстан Республикасы Хезмәт, халыкны эш белән тәэмин итү һәм социаль яклау министрлыгы дәүләт идарәсе, җирле үзидарә органнары, контроль-күзәтчелек, хокук саклау һәм салым органнары белән берлектә хезмәткәрләрнең хезмәтенә вакытында һәм тулысынча түләү өлешендә хезмәт хокукларын үтәүне тәэмин итү эшен дәвам итә.

Татарстанлыларга түләүсез юридик ярдәм күрсәтәчәкләр

Халыкка түләүсез юридик ярдәм күрсәтү, шулай ук гражданнарга хокукый белем бирү максатларында Татарстан Республикасында Кеше хокуклары буенча вәкаләтле вәкил һәм «Россия пенсионерлары берлеге» гомумроссия иҗтимагый оешмасының Татарстан Республикасы буенча төбәк бүлеге хокукый ярдәм көне үткәрәчәк.

апрель, 2026 ел

Бөтенроссия эшкә урнаштыру ярминкәсенең төбәк этабы 17 апрельдә узачак

Соңгы биш елда Татарстан икътисадына 92 меңнән артык кеше җәлеп ителгән. Республикада мәшгульлек дәрәҗәсе Россиядәге уртача күрсәткечләрдән югарырак, әмма билгеле бер дисбаланс саклана: 49 мең вакансия булганда рәсми рәвештә 3,6 мең эшсез теркәлгән. Бу хакта Татарстан Республикасы хезмәт, халыкны эш белән тәэмин итү һәм социаль яклау министры урынбасары Клара Таҗетдинова Бөтенроссия Эшкә урнаштыру ярминкәсенең төбәк этабын уздыруга багышланган матбугат конференциясендә сөйләде.

Яшел Үзән кадрлар үзәгенең яшүсмерләрне эшкә урнаштыру тәҗрибәсе иң яхшысы дип табылды

Яшел Үзәннең «Россия эше» кадрлар үзәге «Яшүсмерләрне җаваплы эшкә урнаштыру» Бөтенроссия конкурсында «Закон белән конфликтта булган һәм авыр тормыш хәлендә булган балигъ булмаганнарны эшкә урнаштыруның иң яхшы практикасы» номинациясендә җиңеп, югары бүләккә лаек булды.

ЯҢАЛЫКЛАРГА ЯЗЫЛУ