ЯҢАЛЫКЛАР
«Гаилә» милли проектының «Өлкән буын» федераль проекты кысаларында Югары Ослан районындагы «Өмет утравы» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлеге хезмәткәрләре социаль хезмәт алучылар белән физик активлыкны яхшырту буенча күнегүләр үткәрәләр.
Ютазы районының Урыссу шәһәр тибындагы бистәсендә урнашкан гуманитар ярдәм җыю үзәгендә «Гармония» халыкка социаль хезмәт күрсәтү комплекслы үзәге карамагындагыларның махсус хәрби операциядә катнашучыларга ярдәм итүче «көмеш» волонтерлар белән очрашуы булды. Очрашуда шулай ук Россия Әфганстан ветераннары советының Баулы шәһәре һәм Баулы районы буенча вәкиле Ринат Нуриев һәм Ютазы районы Ветераннар советы рәисе Гүзәл Латыйпова катнашты.
Лениногорск районының «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы балигъ булмаган социаль хезмәт алучылар белән «Балалар ышаныч телефоны турында нәрсә белергә кирәк?» дигән әңгәмә үткәрде.
Үзәк китапханә хезмәткәрләре хәтер сәгате үткәрделәр. Чара нацизм корбаннары һәм каршылык геройлары – Холокост корбаннары истәлегенә багышланган иде.
Югары Ослан өлкәннәр һәм инвалидлар интернат-йортында социаль хезмәт алучыларны актлар залына әдәби-музыкаль әңгәмәгә чакырдылар. Үзәк урынны яшәүчеләрнең үз истәлекләренә бирделәр. Җыелганнар сугыш еллары көйләрен искә алдылар, һәлак булганнарны бер минут тынлык белән искә алдылар.
Ватанны саклаучылар елына багышланган чаралар кысаларында Тәтеш өлкәннәр һәм инвалидлар интернат-йортына җирле мәктәп укучылары – «Мозаика» театр берләшмәсендә катнашучылар һәм 3–4 класс эзтабарлары килде.
Казанда Ленинград блокадасын бетерү көнендә шәһәр халкы һәйкәленә чәчәкләр салдылар. Һәлак булганнарны искә алырга Казанга эвакуацияләнгән ленинградлылар, яшьләр оешмалары активистлары һәм гади халык килгән иде.
ТР Хезмәт, халыкны эш белән белән тәэмин итү һәм социаль яклау министрлыгы дәүләт һәм җирле үзидарә органнары, контроль-күзәтчелек, хокук саклау, салым органнары белән берлектәге эшчәнлеген дәвам итә. Бу хезмәттәшлек эш кешеләренең хезмәт хокукларын саклауны, атап әйткәндә, тулы хезмәт хакын үз вакытында бирдертүдән гыйбарәт.
Бүген региональ чаралар комплексында катнашучылар белән киңәшмә узды. Татарстан Республикасында «Инвалид балалар тәрбияләүче гаиләләргә ярдәм» региональ чаралар комплексын гамәлгә ашыру турында фикер алыштылар. Чарада шулай ук Татарстан Республикасы хезмәт, халыкны эш белән тәэмин итү һәм социаль яклау министры урынбасары Юлия Абдреева катнашты.
Югары Ослан өлкәннәр һәм инвалидлар интернат-йортында узган елдан башлап «Гаилә альбомына күз сал» программасы тормышка ашырыла. Яшәүчеләр арасыннан туган көн билгеләп үтүчеләр үзләренең дусларын җыялар, аларга үзләренең иске фотоларын күрсәтәләр, үткән еллары турында сөйлиләр.