Югары Ослан интернат-йортында яшәүчеләр үз тормышлары турында сөйләүләрен дәвам итәләр
Югары Ослан өлкәннәр һәм инвалидлар интернат-йортында узган елдан башлап «Гаилә альбомына күз сал» программасы тормышка ашырыла. Яшәүчеләр арасыннан туган көн билгеләп үтүчеләр үзләренең дусларын җыялар, аларга үзләренең иске фотоларын күрсәтәләр, үткән еллары турында сөйлиләр.
Бу юлы мондый чараның төп герое Рамил Булатов булды, ул 72 яшен бәйрәм итте. Дүртенче сыйныфта укыганда Җиңүнең 20 еллыгына үз мәктәбендә герой-шагыйрь Муса Җәлилгә багышланган музей ачуы җыелган халыкны бик кызыксындырды. Рамил Булатов армиядә хезмәт итүенә дә тукталды. Студент еллары, студотрядтагы нәтиҗәле хезмәте турында да сөйләде. Рамил Булатовның хезмәте, төрле проектларда катнашуы дипломнар һәм бүләкләр белән билгеләнде. Олы яшьтәге кеше инсульт кичерә, сөйләме кыенлаша, шуңа күрә ул хикәясен бу елларда саклаган күрсәтмә материаллар – грамоталар, газета кисәкләре һ. б. белән тулыландыра.
Социаль хезмәт алучылар зур кызыксыну белән тыңладылар, күп сораулар бирделәр.
Мондый чаралар социаль хезмәт алучыларга бер-берсен яхшырак белергә ярдәм итә, алар интернат-йорт буенча күршеләргә уңай мөнәсәбәттә була башлый.
Традиция буенча, Рамил Булатовка учреждениенең социаль партнеры – «Казан әниләре» хәйрия фондыннан бүләк тапшырдылар.