Социаль хезмәт күрсәтү учреждениеләрендә истәлекле дата уңаеннан чаралар уздырылды
Югары Ослан өлкәннәр һәм инвалидлар интернат-йортында социаль хезмәт алучыларны актлар залына әдәби-музыкаль әңгәмәгә чакырдылар. Үзәк урынны яшәүчеләрнең үз истәлекләренә бирделәр. Җыелганнар сугыш еллары көйләрен искә алдылар, һәлак булганнарны бер минут тынлык белән искә алдылар.
Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлегендә патриотик сәгать һәм дискуссион киноклуб оештырылды.
Арчаның «Өмет чаткысы» мөмкинлекләре чикләнгән балалар һәм яшүсмерләр өчен тернәкләндерү үзәгендә социаль педагог Гүзәлия Вәлиева Ленинградны фашистлар блокадасыннан тулысынча азат итү көненә багышланган дәресләр үткәрде.
«Граммнарга бүленгән тормыш» дигән батырлык сәгате Югары Ослан районында узды. Балигъ булмаган социаль хезмәт алучыларга Ленинград блокадасы һәм блокаданың авыр шартларында кешеләрнең тормышы турында сөйләделәр.
Әлмәт районының «Опека» халыкка социаль хезмәт күрсәтү комплекслы үзәге белгечләре «Луч» яшүсмерләр клубы базасында балигъ булмаган социаль хезмәт алучылар белән берлектә чара үткәрделәр, «Ленинград блокадасы балалар күзләре белән» документаль фильмын карау оештырдылар.
Алексеевск районындагы «Кайгырту» балалар һәм яшүсмерләр өчен социаль приютында тәрбияче Гөлшат Җаббарова «Буйсынмаганнар» тарихи сәгате оештырды.
Лениногорск районының «Исток-Башлангыч» халыкка социаль хезмәт күрсәтү комплекслы үзәге белгече Лиана Габидулина «Җиңү икмәге» чарасы үткәрде. Чараның максаты – интерактив хәтер символлары аша блокададагы Ленинградта яшәүче тыныч халыкның батырлыгы турындагы тарихи хәтерне саклау.