ЯҢАЛЫКЛАР

Зәй политехника көллияте базасында сәламәтлек мөмкинлекләре чикләнгән укучыларның ике төркемен берләштергән махсус мастер-класс узды. Чара «Тылсымлы гипс» инклюзив остаханәсе» социаль проекты кысаларында узды.

Татарстан Республикасы Хезмәт, халыкны эш белән тәэмин итү һәм социаль яклау министрлыгы 2025 елның 1 декабреннән 30 декабренә кадәр техник сәбәпләр аркасында Казанның Вахитов һәм Идел буе районнарында яшәүче аерым бюджет тармаклары хезмәткәрләрен һәм пенсионерларны шифаханә-курорт дәвалану (шифаханә-курорт дәвалануга юлламалар һәм шифаханә-курорт дәвалануга электрон сертификатлар) мәсьәләләре буенча кабул итү Министрлыкта гамәлгә ашырылачагы турында хәбәр итә (Казан шәһәре, Волгоград ур., 47 йорт, 101 нче каб.).

Яр Чаллы шәһәренең «Изгелек» инвалидларны тернәкләндерү үзәгендә социаль хезмәтләр алучылар өчен Скандинавия гномы ясау буенча мастер-класс уздырдылар. Чара үз кулларың белән Яңа ел уенчыкларын ясауга юнәлдерелгән иде.

Яңа ел алдыннан, күпчелек балалар каникуллар һәм бүләкләр турында уйлаганда, Ютазы районының «Гармония» халыкка социаль хезмәт күрсәтү комплекслы үзәгенең балигъ булмаган социаль хезмәт алучылары бәйрәм көннәрендә алгы сызыкта тынычлык саклаучыларга өй җылысын бүләк итәргә булдылар.

Чистайның «Юлдаш» өлкәннәр һәм инвалидлар интернат-йортында махсус хәрби операциядә катнашучы солдатларга кулдан эшләнгән йомшак уенчыклар җибәреп, аларга җылылык һәм рәхәтлек бүләк итү күркәм традициягә әверелде инде.

Яшел Үзән шәһәренең «Ышаныч» мөмкинлекләре чикләнгән балалар һәм яшүсмерләр өчен тернәкләндерү үзәге «Татарстан Республикасының иң яхшы товарлары һәм хезмәтләре» конкурсында «Халык өчен хезмәтләр» номинациясендә җиңүче булды. Бүләкләү Казанда узды.

16 декабрьдә Менделеевск районының «Кама таңнары» балалар һәм яшүсмерләр социаль приютында тәрбияләнүчеләр «Балалар һөнәри инклюзив лабораторияләре: уңыш тарихы» республика видеороликлар конкурсында җиңүчеләрне бүләкләү тантанасында катнаштылар. Чара Россиянең иң эре IT-компанияләренең берсе – ICL Техно базасында узды.

Казанда «Бергә – балалар өчен!» XVI Бөтенроссия форумы кысаларында «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәге базасында түгәрәк өстәл уздырдылар. Чарага педагоглар, ата-аналар һәм балалар – «Гаилә остаханәсе» проектында катнашучылар килде.

18 декабрьдә Татарстан Республикасы Хезмәт, халыкны эш белән тәэмин итү һәм социаль яклау министрлыгы Социаль-хезмәт мөнәсәбәтләрен җайга салу буенча өчьяклы республика комиссиясе каршындагы Хезмәт өчен түләү, халыкның керемнәре һәм тормыш дәрәҗәсе буенча координация советы утырышын уздырды. Чара IZUM-конференция режимында узды.

Минзәлә районы халыкка социаль хезмәт күрсәтү комплекслы үзәгендә узган Яңа ел бәйрәме инвалид балаларга онытылмаслык хис-кичерешләр бүләк итте. Чара «Яңа елда могҗизалар!» акциясе кысаларында оештырылды.