ЯҢАЛЫКЛАР

18 декабрьдә Биектау районының «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре авыр тормыш хәлендә булган гаиләләрдәге балалар өчен Яңа ел тамашасы оештырдылар. Чара «Импульс» яшьләр үзәге базасында, «ПФ Полимер Фитинг» ҖЧҖ коллективы һәм «Әкият» курчак театры артистлары ярдәмендә үткәрелде.

«Киләчәккә билет» һөнәри юнәлеш бирү программасы кысаларында Аксубай районының «Хыял» балалар һәм яшүсмерләр өчен социаль приютында тәрбияләнүчеләр «Сетевая компания» АҖнең «Чистай электр челтәрләре» филиалының район электр челтәрләрендә булдылар. 

18 декабрьдә Әлмәт районы «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологлары «Лекотека» кабинетында «Чыршы бизибез» дигән җайлаштырылган иҗат дәресе үткәрделәр. Менталь тайпылышлары булган кешеләр өчен чара аларның социаль һәм иҗади тернәкләнүенә юнәлдерелгән.

Биектау районындагы «Өмет» халыкка социаль хезмәт күрсәтү комплекслы үзәге психологы көндезге тору төркемендә «Конфликт психологиясе» дигән төркемле дәрес үткәрде. Дәрестә сигез кеше катнашты.

Менделеевск районының «Кама таңнары» балалар һәм яшүсмерләр өчен социаль приютының «Бумеранг» волонтерлар отряды һәрвакыт янәшә һәм ярдәмгә килергә әзер. Тәрбияләнүчеләр авыр хәлдә калган өлкән яшьтәге хатын-кызга ярдәм итәргә булдылар.

«Гаилә» илкүләм проекты кысаларында һәм мөмкинлекләре чикләнгән кешеләрнең иминлеген тәэмин итү, юл-транспорт имгәнүләрен профилактикалау максатында «Тәтеш балкышы» халыкка социаль хезмәт күрсәтү комплекслы үзәге белгечләре «Юл хәрәкәте иминлеге» ДБУ Казан шәһәре территориаль идарәсе профилактика бүлегенең әйдәүче белгече Алсу Урманова катнашында чара оештырдылар.

Минзәлә районының халыкка социаль хезмәт күрсәтү комплекслы үзәгендә «Карау мәктәбе» технологиясе кысаларында укулар узды. Чарада махсус хәрби операциядә катнашучыларның гаилә әгъзалары катнашты.

17 декабрьдә Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсеннән балигъ булмаган балалар «Аңлауга юнәлеш» программасы буенча психологик дәрестә катнаштылар. Психолог Гүзәл Минһаҗева җитәкчелегендә яшүсмерләр мөһим социаль күнекмәләргә – тирә-юньдәгеләрнең хисләрен тыңлый һәм аңлый белүгә өйрәнделәр.

Казан шәһәренең халыкка социаль хезмәт күрсәтү комплекслы үзәгенең көндезге тору бүлеге «Балалар һөнәри инклюзив лабораторияләре: уңыш тарихы» видеороликлар конкурсында призер булды.

Кичә Лениногорск районы «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре балигъ булмаганнар өчен тарихи викторина үткәрделәр. Чара Бөек Ватан сугышында Җиңүнең 80 еллыгына багышланды.