ЯҢАЛЫКЛАР
«Гаилә» илкүләм проектын гамәлгә ашыру кысаларында «Трамплин» мотоклубы эшмәкәрләр командасы белән берлектә Әлмәт районындагы «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә социаль хезмәт алучы гаиләләр өчен хәйрия чарасы оештырды.
17 июньдә Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Анастасия Лепихина 13 нче социаль участокта «Ышаныч телефонына әйе дип әйт» дигән агарту акциясе оештырды. Чараның максаты балигъ булмаган балаларга тәүлек буе эшләүче аноним психологик ярдәм хезмәтеннән файдалану мөмкинлеге турында мәгълүмат бирү иде.
Түбән Кама районының «Балкыш» балалар һәм яшүсмерләр социаль приютының өлкән малайлар төркеме «Игелекле йөрәкләр» махсус хәрби операциясе сугышчыларына ярдәм үзәгендә коры душ ясау буенча мастер-класста булды. Балалар 507 комплект коры душ ясадылар.
Югары Ослан районының 3 нче социаль участогында Ватанны саклаучылар елына багышланган чаралар кысаларында махсус хәрби операция сугышчысы катнашында чара узды. И. Гутаров туган җирләренә сугыш хәрәкәтләре зонасыннан кыска вакытлы ялга кайткан.
24 июльдән 29 июльгә кадәр Самара өлкәсендәге «Мастрюковские озера» фестиваль паркы территориясендә ел саен үткәрелә торган «иВолга» яшьләр форумы узачак. Ул илнең төрле почмакларыннан кунаклар кабул итәчәк, алар арасында – сәламәтлек мөмкинлекләре чикләнгән катнашучылар.
Аз хәрәкәтләнүче гражданнарны карау – катлаулы һәм җаваплы бурыч, ул махсус күнекмәләр, белемнәр һәм куркынычсызлыкның билгеле бер кагыйдәләрен үтәүне таләп итә. Аз хәрәкәтләнүче гражданнарга өйдә ярдәм күрсәтүче социаль хезмәткәрләр тәрбияләнүчеләрне карау һәм яңа тормыш шартларына җайлаштыруның төп ысулларын белергә тиеш.
«Гаилә» илкүләм проектының «Өлкән буын» федераль проектын гамәлгә ашыру кысаларында 2024 елдан Яшел Үзән районында өлкәннәр һәм инвалидлар өчен интернат-йорт төзелә.
«Шатлык» халыкка социаль хезмәт күрсәтү комплекслы үзәге Зәй үзәк район хастаханәсе белән берлектә авыл җирендә яшәүче 65 яшьтән өлкәнрәк гражданнарны диспансерлаштыру узу максаты белән поликлиникага илтә. Чаралар «Гаилә» милли проектының «Өлкән буын» федераль проектын гамәлгә ашыру кысаларында үткәрелә.
Мамадыш районы «Кайгырту» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә «Тәмәкесез тормыш» дигән профилактик чара узды. Дәрес тәмәке тартуга тискәре мөнәсәбәт формалаштыруга, сәламәт яшәү рәвешен пропагандалауга, бу өлкәдә белемнәрне системалаштыруга, үз сәламәтлегеңә кыйммәтле мөнәсәбәт тәрбияләүгә юнәлдерелгән.
2025 ел Россия Федерациясе мәгариф системасында Балалар ялы елы буларак уза. Нәкъ менә быел балалар өчен иң борынгы «Артек» сәламәтләндерү лагереның йөз еллыгы, «Орленок» лагерена нигез салынуга 65 ел, «Смена» лагереның 40 еллыгы билгеләп үтелә. Шулай ук балалар ялы сыйфатына һәм куркынычсызлыгына аерым игътибар кирәклеген Россия Президенты Владимир Путин ассызыклаган иде.