ЯҢАЛЫКЛАР

Татарстан Республикасында юл хәрәкәте куркынычсызлыгын арттыру чараларын гамәлгә ашыру кысаларында 4 апрельдә Менделеевск районының «Өмет яры» халыкка социаль хезмәт күрсәтү комплекслы үзәгендә юлларда куркынычсызлык кагыйдәләрен өйрәнү буенча чара узды. Анда 25 балигъ булмаган бала катнашты.

«Шатлык» халыкка социаль хезмәт күрсәтү комплекслы үзәге Зәй үзәк район хастаханәсе белән берлектә авыл җирлегендә яшәүче 65 яшьтән өлкәнрәк кешеләрне диспансерлаштыру максатында медицина оешмаларына китерү буенча уртак эш алып бара. Чаралар «Демография» милли проектының «Өлкән буын» федераль проекты кысаларында башкарыла.

3 апрельдә Мамадыш районы «Кайгырту» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре Юл хәрәкәте иминлеге дәүләт инспекциясе һәм «Юл хәрәкәте иминлеге» ДБУ хезмәткәрләре белән берлектә балигъ булмаган социаль хезмәтләр алучылар белән «Яшь җәяүле» дигән чара уздырдылар. Ул Балачак унъеллыгы чаралары планын үтәү кысаларында оештырылды.

Казанның Авиатөзелеш һәм Киров районнарының өйдә социаль хезмәт күрсәтү бүлекчәләрендә озак вакыт карау системасын гамәлгә ашыру кысаларында Тернәкләндерү һәм карау мәктәбендә дәрес үткәрелде. Чарада социаль хезмәткәрләр һәм өлкән яшьтәге гражданнарны һәм инвалидларны караучы туганнары катнашты.

3 апрельдә Муса Җәлил исемендәге Минзәлә педагогия көллияте базасында «Гнездышко» аналарның яңа туган балалардан иртә баш тартуын профилактикалау һәм туучылар санын арттыру, гаилә институтын ныгыту программасы кысаларында халыкка социаль хезмәт күрсәтү комплекслы үзәге белгече «Гаилә. Гаилә кыйммәтләре һәм традицияләре» дәресе үткәрде.

Кыштан соң тәртип урнаштыру өчен Минзәлә районында 1 апрельдән 31 майга кадәр территорияләрне чистарту һәм төзекләндерү буенча икеайлык уза. Чараларга Минзәлә өлкәннәр һәм инвалидлар өчен интернат-йорты да кушылды.

Мамадыш районы «Кайгырту» халыкка социаль хезмәт күрсәтү комплекслы үзәгенең социаль-тернәкләндерү бүлегендә хезмәткәрләр алучылар өчен Скандинавия йөреше буенча мастер-класс оештырылды. Дәвалау физкультурасы буенча инструктор Марина Голицына теоретик һәм практик өлешләрне үз эченә алган дәрес үткәрде.

Спас районы өлкәннәр һәм инвалидлар өчен интернат-йорты хезмәткәрләре һәм социаль хезмәтләр алучылары өчен янгын яки гадәттән тыш хәлләр вакытында кешеләрне бинадан эвакуацияләү буенча өйрәнүләр оештырылды. Чарада күзәтчелек эшчәнлеге һәм профилактика эше бүлеге тикшерүчесе Сергей Деманов катнашты.

Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлегенең социаль хезмәтләр алучылары СССР территориясендәге иң зур радиация аварияләре һәм катастрофалар белән таныштылар, «Чернобыль өчен сугыш. Төп вакыйгалар хроникасы» фильмын карадылар, анда шул фаҗигале төн вакыйгалары, шулай ук һәлакәт нәтиҗәләрен бетерү фактлары ачыклана.

Минзәләнең өлкәннәр һәм инвалидлар өчен интернат-йортында район үзәк хастаханәсе табиблары тарафыннан социаль хезмәтләр алучыларга диспансер тикшерүе үткәрелә.