Спас интернат-йортында янгын куркынычсызлыгы буенча планлы өйрәнүләр үткәрделәр

2023 елның 4 апреле, сишәмбе

Спас районы өлкәннәр һәм инвалидлар өчен интернат-йорты хезмәткәрләре һәм социаль хезмәтләр алучылары өчен янгын яки гадәттән тыш хәлләр вакытында кешеләрне бинадан эвакуацияләү буенча өйрәнүләр оештырылды. Чарада күзәтчелек эшчәнлеге һәм профилактика эше бүлеге тикшерүчесе Сергей Деманов катнашты.

Уку барышында икенче каттагы коридорда янгын имитацияләнә. Янгынны ачыклаганда шунда ук янгын күзәтчелегенә хәбәр итәләр, запас чыгу юлларын ачуны оештыралар һәм эвакуацияләүгә керешәләр.

Учреждениенең янгын куркынычсызлыгы өчен җаваплы Альберт Ильясов билгеләп үткәнчә, тренировка нәтиҗәләре уңай, барлык автомат янгыннан саклану системалары эшләде, тренировканың максатлары һәм бурычлары ирешелде.