ЯҢАЛЫКЛАР
25 декабрьдә Менделеевск муниципаль районындагы «Кама таңнары» балалар һәм яшүсмерләр өчен социаль приютында тәрбияләнүчеләргә Алабугадан кунаклар килде. Теш табибы Дарья Булдакова инициативасы белән зур йөрәкле кешеләр командасы балалар өчен Яңа ел тамашасы әзерләде.
Яшел Үзән муниципаль районында «Ышаныч» мөмкинлекләре чикле балалар һәм яшүсмерләр өчен тернәкләндерү үзәгендә «Игелек бүләге» дигән акция уздырыла. Аның максаты – үзәктә тернәкләнү уза торган күпбалалы гаиләләрдәге балаларга, тулы булмаган гаиләләргә ярдәм итү.
21 декабрьдә Минзәлә шәһәренең «Ялкын» яшьләр үзәгендә 5 һәм аннан да күбрәк бала тәрбияләүче гаиләләр өчен «Могҗизалар илендә Яңа ел» театральләштерелгән тамашасы узды. Минзәлә муниципаль районы Советы депутаты Эдуард Кузнецов балалар бәйрәменең инициаторы булды.
Мамадыш районы «Кайгырту» халыкка социаль хезмәт күрсәтү комплекслы үзәге каршындагы гаиләгә һәм балаларга социаль ярдәм бүлекчәсе белгечләре «Теләкләр чыршысы» дигән Бөтенроссия акциясе кысаларында шәһәр администрациясе бинасындагы чыршыны открыткалар белән бизәделәр. Быел махсус хәрби операциядә катнашучыларның балалары үз хыялларын тормышка ашыра алачак.
Инвалидлар декадасы кысаларында Балтач муниципаль районында мобилизацияләнгән кешеләрнең гаиләләре әгъзаларына азык-төлек пакетлары өләшү оештырылды. Ярдәм алучылар – 1 һәм 2 төркем инвалидлар.
Инвалидлар декадасында Спас өлкәннәр һәм инвалидлар өчен интернат-йортындагыларга Абдулиннар гаиләсе яктырткыч һәм картина бүләк итте.
Азнакай өлкәннәр һәм инвалидлар өчен интернат-йортында социаль хезмәт алучылар декадасы кысаларында мөхтәрәм кунаклар – муниципаль район башлыгы Марсель Шәйдуллин һәм район башлыгы урынбасары Роза Галиева булды.
8 декабрьдә Балтач районының «Наз» халыкка социаль хезмәт күрсәтү комплекслы үзәге ачылуга 20 ел тулу уңаеннан тантаналы чара узды.
Алабуганың «Астра» мөмкинлекләре чикле яшүсмерләр өчен тернәкләндерү үзәгендә Инвалидлар декадасында «Чиксез мөмкинлекләр бәйрәме» инклюзив театральләштерелгән мәйданчык» дигән иҗади проект тормышка ашырылган.
Бөгелмә шәһәренең боз сараенда сәламәтлекләре чикләнгән балаларның хоккей командасын булдыру буенча тантаналы чара узды.