Бүген Буа районының өлкәннәр һәм инвалидлар өчен интернат-йортында яшәүчеләр «Батыр» спорт мәктәбендә булдылар. Чара өлкәннәрнең сәламәтлеген яхшыртуга, аларның физик активлыгын күтәрүгә юнәлдерелгән.
Югары Осланның өлкәннәр һәм инвалидлар өчен интернат-йортында Казаннан Евгений Скрябинны кабул иттеләр. Биредә яшәүчеләр аның мәхәббәт, дуслык, намус һәм абруй турында җырларын яратып тыңладылар, үзләренә ошаган көйләргә кушылдылар.
Бүген Буа өлкәннәр һәм инвалидлар өчен интернат-йортында саф һавада йога дәресе узды.
1 нче июль көнне Минзәлә өлкәннәр һәм инвалидлар өчен интернат-йортында матур һәм кызыклы Сабантуй узды. Бәйрәмнең кунаклары һәм алып баручылары С. Өметбаев исемендәге Минзәлә татар дәүләт драма театры артистлары Ленар һәм Илсинә Миннемуллиннар булды.
Зәйнең «Шатлык» халыкка социаль хезмәт күрсәтү комплекслы үзәгенең өйдә хезмәт күрсәтү бүлегендә «Тернәкләндерү ялы» өлкән яшьтәге кешеләр белән эшләүнең инновацион технологиясен тормышка ашыру дәвам итә. Технологияне гамәлгә кертү Россия халыкларының мәдәни мирасы елына туры китерелгән.
30 июнь көнне Чистайның күп милләтле «Юлдаш» өлкәннәр һәм инвалидлар өчен интернат-йортында «Сабантуй–2022» дип исемләнгән мәдәни-спорт бәйрәме узды. Чара Татарстан халыкларының бай мирасын, ата-бабаларыбызның гореф-гадәтләрен саклауга юнәлдерелгән.
Берничә ел элек Югары Осланның өлкәннәр һәм инвалидлар өчен интернат-йортында экоаллея булдырылган иде. Анда дару үләннәре үсә: гөлбадран, ромашка, үги ана яфрагы, иван-чәй, мәтрүшкә – 25 төр үсемлек.
Лениногорск районы «Исток-Башлангыч» халыкка социаль хезмәт күрсәтү комплекслы үзәгенең өйдә социаль хезмәтләр алучылары белән гарденотерапия дәресләрен дәвам итәләр. «Бүлмә үсемлекләрен күчереп утырту, тукландыру» темасына чираттагы чара 28 июньдә узды.
«Россия пенсионерлары берлеге» Гомумроссия иҗтимагый оешмасы һәм Мәскәү дәүләт гуманитар-икътисад университеты Россия Федерациясе Хезмәт һәм социаль яклау министрлыгы ярдәме белән 30 июньдә пенсионерлар арасында компьютер белеме буенча XII Бөтенроссия чемпионатының финал (федераль) ярышларын үткәрә. Чара дистанцион форматта узачак. Чара сәгать 10.00 башлана.
Бүген Буа өлкәннәр һәм инвалидлар өчен интернат-йортында яшәүчеләрендә кунакта район мәдәният йорты хезмәткәрләре булды, алар өлкәннәргә «Әкият геройлары янында кунакта» дип исемләнгән курчак театры программасын күрсәттеләр.