ЯҢАЛЫКЛАР

Февраль аенда Минзәлә районы халыкка социаль хезмәт күрсәтү комплекслы үзәге белгечләре менталь тайпылышлары булган балалар һәм көндезге тору төркемендә катнашучылар өчен «Суда уеннар» дигән чара оештырганнар. Чара ана–бала форматында узды.

Минзәләнең халыкка социаль хезмәт күрсәтү комплекслы үзәге белгечләре көндезге тору төркеменә йөрүчеләрне кул эшенә өйрәтүне, тегү кораллары белән таныштыруны дәвам итә.

Минзәлә районы халыкка социаль хезмәт күрсәтү комплекслы үзәге белгечләре көндезге тору төркемендәге яшьләр өчен тегү буенча мастер-класс үткәрделәр. Моңа кадәр яшьләр тегү остаханәсендә булганнар иде, анда аларны тукымаларның үзлекләре, тегү кирәк-яраклары, энә белән эшләү ысуллары белән таныштырдылар. Узган дәрестә алар практикага керештеләр һәм картина ясадылар.

Югары Ослан районының «Өмет утравы» халыкка социаль хезмәт күрсәтү комплекслы үзәге базасында гаиләгә һәм балаларга социаль ярдәм бүлеге белгечләре чираттагы тапкыр көндезге тору төркемендә катнашучыларны җыйдылар.

6 февральдә Минзәлә районының халыкка социаль хезмәт күрсәтү комплекслы үзәге белгечләре көндезге тору төркеме яшьләре һәм ата-аналар өчен тегү остаханәсенә гаилә экскурсиясе оештырдылар.

Лениногорск районының «Исток–Башлангыч» халыкка социаль хезмәт күрсәтү комплекслы үзәгендә 2021 елдан башлап 18 яшьтән алып 40 яшькә кадәрге интеллект бозылулары, аутизм спектры бозылулары булган кешеләр белән эш алып барыла.

31 гыйнварда Биектау районының «Өмет» халыкка социаль хезмәт күрсәтү комплекслы үзәге психологы «Юлдаш» клубының көндезге тору төркемендә дәрес үткәрде. Ул дөрес танышу күнекмәләрен үстерүгә һәм бер-берең белән мөнәсәбәтләрне аңлауга юнәлдерелгән иде.

«Тәтеш балкышы» халыкка социаль хезмәт күрсәтү комплекслы үзәге белгечләре, «Форпост» җәмәгать тәртибен саклау яшьләр формированиеләре үзәге белән берлектә, көндезге тору төркеменә йөрүче яшьләр өчен йомгаклау бәйрәм дәресе оештырдылар.

Яңа ел алдыннан Биектау районының «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе социаль педагоглары, волонтер Алия Зәйнетдинова белән берлектә, хуш исле сабын ясау буенча мастер-класс үткәрделәр.

Бүген Минзәләнең халыкка социаль хезмәт күрсәтү комплекслы үзәге белгечләре көндезге тору төркеме өчен ачык һавада спорт чарасы үткәрделәр.