ЯҢАЛЫКЛАР

Казанның «Здравушка» мөмкинлекләре чикле балалар һәм яшүсмерләр өчен тернәкләндерү үзәгендә Әниләр көне узды. Балаларның әти-әниләре өчен татар эстрадасы йолдызлары – Татарстан Республикасының атказанган артисты Булат Нигъмәтуллин һәм Татарстан Республикасының халык артисты Рәсим Низамов катнашында бәйрәм концерты оештырылды.

24 ноябрьдә «Тәтеш балкышы» халыкка социаль хезмәт күрсәтү комплекслы үзәге белгечләре инвалид балаларның ата-аналары белән түгәрәк өстәл уздырдылар. Очрашуның темасы – «Мөмкинлекләре чикле балалар тәрбияләүче гаиләләрнең актуаль проблемалары».

Казан шәһәренең халыкка социаль хезмәт күрсәтү комплекслы үзәгендә гаиләгә һәм балаларга социаль ярдәм бүлекчәсе мөдирләре һәм психологларының методик киңәшмәсе булып узды. Учреждение психоэмоциональ яктан җәрәхәтләнгән балаларга, шул исәптән сугыш хәрәкәтләре зонасыннан кайтучы балаларга ярдәм күрсәтү буенча инновацион социаль проектны гамәлгә ашыру кысаларында региональ ярдәм мәйданчыгы булып тора.

Яшел Үзәннең «Ышаныч» мөмкинлекләре чикле балалар һәм яшүсмерләр өчен тернәкләндерү үзәгендә Әниләр көне уңаеннан күңел ачу оештырылды. Чарада үзәктә тәрбияләнүчеләр һәм аларның әниләре актив катнашты.

1959 елның 20 ноябрендә БМО Генераль Ассамблеясе иң мөһим документларның берсен – Бала хокуклары декларациясен кабул итә. Шул ук көнне, ләкин 1989 елда, Бала хокуклары конвенциясе кабул ителә. Шуңа күрә 20 ноябрь Бөтендөнья балалар көне булып санала. Безнең илдә бу датаны Бөтенроссия балаларга хокукый ярдәм көне буларак билгеләп үтәләр.

Әниләр көне алдыннан Түбән Каманың «Веста» гаиләгә һәм балаларга социаль ярдәм үзәге белгечләре «Альфа» мәдәният йорты хезмәткәрләре белән берлектә «Әнием барысыннан да яхшырак» дигән чара уздырдылар. Анда социаль хезмәт алучы гаиләләр катнашты.

Түбән Каманың «Веста» гаиләгә һәм балаларга социаль ярдәм үзәгендә 9 ноябрьдә балигъ булмаганнарга карата мәрхәмәтсез мөгамәләне кисәтү буенча эш кысаларында психолог Наталья Емельянова «Туган кешеләр» клубының чираттагы утырышын уздырды. Чарада социаль куркыныч хәлдә булган гаиләләр катнашты. Очрашуның максаты – гаиләләрдә микроклиматны яхшырту.

Лениногорск районы «Исток-Башлангыч» комплекслы үзәге социаль педагогы Оксана Лямова өлкәннәр белән бергә «Гаиләдәге көч куллануның баланың үсешенә йогынтысы» дигән темага түгәрәк өстәл уздырды. Чараның максаты – ата-аналарда гаиләләрдә мәрхәмәтсезлек һәм көч куллану проблемасын тиешенчә аңлауны формалаштыру.

«Әни+сабый» клубы эше кысаларында Түбән Каманың «Веста» гаиләгә һәм балаларга социаль ярдәм үзәге социаль педагогы Әлфия Байкова һәм Баланы үстерү клубы хезмәткәрләре 3 яшькә кадәрге балалары булган гаиләләр өчен төркемле чара уздырдылар. Чара балаларда кулларның вак моторикасын, хәтерне, игътибарны һәм ишетү сәләтен, төс һәм форма тойгыларын үстерү, ата-аналарга балаларны тәрбияләүдә һәм үстерүдә ярдәм итү максатыннан үткәрелде.

26 нчы октябрь көнне Зәй районы «Шатлык» халыкка социаль хезмәт күрсәтү комплекслы үзәге каршындагы гаиләгә һәм балаларга социаль ярдәм бүлекчәсе белгечләре ата- аналар җыелышында актив катнаштылар.