ЯҢАЛЫКЛАР

Кичә «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр Арча тимер юл вокзалында булдылар. Балаларны вокзал хезмәткәрләре җылы каршы алды, һәр бүлмәнең билгеләнеше турында сөйләделәр һәм тармак һөнәрләре белән таныштырдылар: вокзал начальнигы, станция буенча дежурный, кассир, машинист, машинист ярдәмчесе, проводник, обходчик, диспетчер, медик, юлларны ремонтлау буенча эшче, электромонтер һ.б.

Мәктәп каникуллары вакытында куркынычсызлык – ял итүнең мөһим аспекты. Бу теманың актуальлеге бәхәссез, чөнки балалар өйдә, урамда, юлда һәм транспортта, табигатьтә куркыныч хәлләр белән очрашырга мөмкин.

23 март көнне «Тәтеш балкышы» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре 2 нче социаль участокта яшәүче гаиләләргә ведомствоара экскурсия оештырганнар. Ведомствоара төркем составына опека һәм попечительлек секторы мөдире, гаилә иминлеге һәм балигъ булмаганнар арасында хокук бозуларны кисәтү буенча инспектор керде.

Түбән Кама районының «Балкыш» балалар һәм яшүсмерләр өчен социаль приютында янгын куркынычсызлыгы кагыйдәләре белән таныштыру дәресләренә зур игътибар бирелә. Еш кына дәресләргә янгын куркынычлары турында сөйләүче ГТХМ вәкилләре чакырыла.

Шушы көннәрдә Лениногорск районы «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгече Лиана Габидуллина балалар белән аралашу сәгате үткәрде. Ивановка авылында 5 нче номерлы социаль участокта узган чара вакытында медиакуллану культурасы турында сөйләштеләр.

Хәзерге заман балалары даими рәвештә контрольсез һәм күзәтүсез Интернеттан файдаланалар. Балаларның мәгълүмати куркынычсызлык дәрәҗәсен күтәрү һәм аларның мәгълүмати киңлектә куркынычсызлыгын тәэмин итү максатыннан 15 нче март көнне Минзәлә районы халыкка социаль хезмәт күрсәтү комплекслы үзәге белгече Ольга Бывальцева татар гимназиясе базасында «Интернет дөньясының су асты ташлары» дигән дәрес үткәрде. Чара «Цифрлы гигиена» эш программасын гамәлгә ашыру кысаларында оештырылды.

Бүген Яр Чаллы шәһәренең «Изгелек» инвалидларны тернәкләндерү үзәге базасында социаль хезмәт алучылар өчен «Интернетта куркынычсыз сатып алу» дигән викторина үткәрелде. Чараның максаты – социаль хезмәтләр алучыларга онлайн-сатып алуларның дөрес башкарылуы турында мәгълүмат бирү.

«Балачак иминлеге» Бөтенроссия акциясе кысаларында Түбән Каманың «Веста» гаиләгә һәм балаларга социаль ярдәм күрсәтү үзәгенең хезмәт буенча инструкторлары Ләйсән Суниева һәм Ирина Кожевникова «Балачакның игелекле юлы» дигән рәсем конкурсы үткәрделәр. Чара балаларның иҗади сәләтләрен үстерү, куркынычсыз тәртип күнекмәләрен ныгыту максатыннан оештырылды.

Өлкән кешеләрнең иминлеге – бүгенге көн өстенлекләренең берсе. Социаль хезмәтләр алучылар, хезмәткәрләрнең барлык тырышуларына карамастан, алдакчыларның корбаны булырга мөмкин. Моны кисәтү өчен Югары Осланның өлкәннәр һәм инвалидлар өчен интернат-йортында «Өлкәннәр һәм инвалидлар өчен куркынычсызлык мәктәбе» программасы эшләнгән.

Түбән Каманың «Веста» гаиләгә һәм балаларга социаль ярдәм үзәгендә «Балачак иминлеге» Бөтенроссия акциясе кысаларында социаль педагог Елена Макарова «100% куркынычсызлык» дигән уен-викторина үткәрде. Чара балалар өчен куркынычсызлык кагыйдәләрен кабатлау, игътибар һәм күзәтүчәнлекне үстерү максатыннан оештырылды.