ЯҢАЛЫКЛАР

Шушы көннәрдә Әлмәт муниципаль районында «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе балигъ булмаганнары өчен «Наркоманияне профилактикалау» дигән темага әңгәмә уздырылды. Чара кысаларында чакырылучыларга профилактик роликлар күрсәтелде, сәламәт яшәү рәвешен пропагандалау буенча лекция укылды.

Бөтендөнья тәмәкесез көн алдыннан Минзәлә районы халыкка социаль хезмәт күрсәтү комплекслы үзәгенең гаиләсе белән эшләү буенча белгече «Тәмәке тартуның кеше организмына зыянлы йогынтысы» дигән темага дәрес үткәрде. Чара яшүсмерләрдә сәламәт яшәү рәвешенә мотивация формалаштыру программасы кысаларында оештырылды.

22 майда Менделеевск муниципаль районының «Кама таңнары» балалар һәм яшүсмерләр өчен социаль приютында сәламәт яшәү рәвешен формалаштыруга юнәлдерелгән чара узды.

Яр Чаллы шәһәренең «Изгелек» инвалидларны тернәкләндерү үзәгендә «Сәламәт хезмәткәр – уңышлы коллектив» дигән учреждение хезмәткәрләренең сәламәт яшәү рәвешен формалаштыру программасы гамәлгә ашырыла. 

Өлкәннәр белән сәламәт яшәү рәвешен популярлаштыру максатыннан Лениногорскның «Исток–Башлангыч» халыкка социаль хезмәт күрсәтү комплекслы үзәге белгечләре күңелле стартлар оештырды. Чара «Язгы игелек атнасы» акциясе һәм «Спортчы Татарстан» акциясе кысаларында уздырылды.

«Сәламәт булу – уңышлы булу!» программасы кысаларында 25 апрельдә Минзәлә районы халыкка социаль хезмәт күрсәтү комплекслы үзәгенең гаилә белән эшләү буенча белгече М. Җәлил паркында дәрес үткәрде.

Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә сәламәт яшәү рәвешен пропагандалауга юнәлдерелгән дәресләр даими үткәрелә. Дамира Гайнанова үткәргән дәрестә витаминнар, аларның нинди ризыкларда булуы, ни өчен кирәклеге турында сөйләделәр.

Шушы көннәрдә Биектау муниципаль районының «Өмет» халыкка социаль хезмәт күрсәтү комплекслы үзәге психологы Алия Нигъмәтҗанова 2 нче номерлы социаль участокта «Сәламәтлек – кеше кыйммәте» дигән темага тренинг үткәрде. Чарада социаль куркыныч төркеменә керүче 16 балигъ булмаган бала катнашты.

Югары Ослан өлкәннәр һәм инвалидлар өчен интернат-йортында социаль хезмәтләр алучылар өчен туберкулезны дәвалауның үзенчәлекләре һәм ысуллары турында лекция оештырылды.

Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә «Сәламәт яшәү рәвеше нәрсә ул?» дәресе узды. Чараның максатлары – балаларның сәламәт яшәү рәвеше турындагы күзаллауларын киңәйтү, сәламәтлеккә уңай мөнәсәбәт формалаштыру, балаларны сәламәт яшәү рәвеше күнекмәләрен үтәргә этәрү.