ЯҢАЛЫКЛАР

Россиядә августның һәр икенче шимбәсендә Физкультурачылар көне билгеләп үтелә. Бәйрәм хөрмәтенә Буа өлкәннәр һәм инвалидлар өчен интернат-йортында «Сәламәт булу һәрвакыт яхшы» дигән спорт-сәламәтләндерү чаралары оештырылды.

Спас өлкәннәр һәм инвалидлар өчен интернат-йорты хезмәткәрләре һәм социаль хезмәтләр алучылар «Россия көче» бөтенроссия проекты кысаларында Болгар музей-тыюлыгы территориясендә узган велоузышка кушылдылар.

11 августта Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә Физкультурачылар көне уңаеннан спорт-күңел ачу чарасы узды. 

11 августта Зәй районының «Шатлык» халыкка социаль хезмәт күрсәтү комплекслы үзәгендә социаль хезмәт алучылар Физкультурачылар көненә багышланган чарада катнаштылар. Ул сәламәт яшәү рәвешен пропагандалауга һәм балаларны физкультура һәм спорт белән шөгыльләнүгә җәлеп итүгә юнәлдерелгән.

10 августта Алексеевск районының «Кайгырту» балалар һәм яшүсмерләр өчен социаль приютында тәрбиячеләр Елена Зверева һәм Альбина Хәмитова мәктәпкәчә һәм кече мәктәп яшендәге тәрбияләнүчеләр белән «Сәламәтлек көне. Саф һавада хәрәкәтчән уеннар» дигән чара үткәрделәр. Ул сәламәт яшәү рәвешен пропагандалауга һәм хәрәкәтчән уен-ярышларга кызыксынуны үстерүгә юнәлдерелгән.

8 августта Яр Чаллы шәһәренең «Изгелек» инвалидларны тернәкләндерү үзәгенең спорт мәйданчыгында физик һәм психик тайпылышлары булган яшьләр өчен ачык һавада чара уздырылды. Ул Физкультурачылар көненә багышланган иде. Чараның максаты – физик культураны һәм спортны популярлаштыру, сәламәт яшәү рәвешен пропагандалау.

Физкультурачылар көне алдыннан 7 августта Минзәлә районының халыкка социаль хезмәт күрсәтү комплекслы үзәге белгечләре «Мин һәм спорт» дәресе үткәрделәр.

2 августта Алабуганың «Астра» мөмкинлекләре чикле балалар һәм яшүсмерләр өчен тернәкләндерү үзәгендә табиб-невролог Гөлмира Мәүлишева «Энтеровирус инфекциясе, патогенез, клиник симптомнар, диагностика, дәвалау һәм профилактика чаралары» темасына лекция укыды. Тыңлаучылар – үзәктә тернәкләнүче балалар һәм аларның әти-әниләре.

30 июльдә билгеләп үтелә торган Халыкара дуслык көненә Кукмараның «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә «Ныклы дуслык өзелмәячәк» дигән спорт чарасы уздырдылар.

Яшүсмерләрдә сәламәт яшәү рәвешенә мотивация формалаштыру буенча «Сәламәт булу – уңышлы булу!» программасы кысаларында Минзәлә районы халыкка социаль хезмәт күрсәтү комплекслы үзәгенең гаилә белән эшләү буенча белгече балигъ булмаганнар өчен спорт чарасы үткәрде. Дәрес Юрт авыл җирлеге базасында узды.