ЯҢАЛЫКЛАР

Түбән Каманың «Веста» гаиләгә һәм балаларга социаль ярдәм үзәге социаль педагогы Ирина Баринова «Дөрес сайлау» программасы кысаларында 12-17 яшьлек яшүсмерләр арасында «Һөнәрләр дөньясына сәяхәт» дигән һөнәри юнәлеш бирүче чара уздырган.

Яшел Үзәннең «Ышаныч» мөмкинлекләре чикле балалар һәм яшүсмерләр өчен тернәкләндерү үзәгендә ярымстационар төркемдә тәрбияләнүчеләр кер юу бүлмәсенә экскурсиядә булдылар. Анда алар кер юу һәм ремонтлау буенча машинист эше белән таныштылар.

17 гыйнварда эшче һөнәрләрне һәм инженер белгечлекләрен популярлаштыру программасы һәм «Профессионалитет» федераль проекты кысаларында Яр Чаллы шәһәре «Россия эше» кадрлар үзәге һәм Яр Чаллы политехник көллияте һөнәри юнәлеш бирүче «Карьера көне» чарасы уздырдылар.

13 гыйнварда Менделеевск муниципаль районындагы «Кама таңнары» балалар һәм яшүсмерләр өчен социаль приютында тәрбияләнүчеләр «Менделеевск яңалыклары» медиаүзәге хезмәткәрләрен һөнәри бәйрәмнәре белән котларга булдылар.

Бөгелмә районының «Ялкын» балалар һәм яшүсмерләр өчен социаль приютында тәрбияләнүчеләр 2 нче лицей каршындагы Кванториумда булдылар.

Төрле һөнәрләрне өйрәнү өчен Арчаның «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә төрле алымнар кулланыла. Әйтик, кичә өй кондитеры Илүзә Абдуллина тернәкләнү узучылар өчен Яңа ел прәннекләрен бизәү буенча мастер-класс үткәрде.

Шушы көннәрдә Яр Чаллының «Асылташ» балалар һәм яшүсмерләр өчен социаль приютында тәрбияләнүчеләр «Лакомка» кондитер кибетендә булдылар, анда алар өчен сюжет-рольле уен оештырылган иде. «Курносики» төркемендәге балалар алдында ашыгыч Яңа ел алды заказын үтәү – имбир прәннекләрен ясау бурычы тора иде.

Менделеевск районының «Кама таңнары» балалар һәм яшүсмерләр өчен социаль приюты педагогы Энза Хәсәншина җәмгыять тормышында хезмәтнең әһәмияте турында балаларның күзаллауларын киңәйтү максатыннан «Минем хезмәтем республика хезмәтенә кушыла» дигән сыйныфтан тыш сәгать үткәрде.

Көндезге бүлекчә социаль хезмәт алучыларның һөнәри белем алуга мотивациясен һәм нәтиҗәле һөнәри юнәлешен арттыру максатында Яр Чаллының «Ышаныч» комплекслы үзәге белгечләре, Яр Чаллы шәһәренең эшлекле хатын-кызлар берлеге вәкилләре белән берлектә, В. Д. Поташов исемендәге техник көллияткә экскурсия оештырдылар.

Яр Чаллының «Кояшкай» тернәкләндерү үзәгендә балаларның күзаллауларын киңәйтү, тирә-юньгә карата кызыксыну уяту, өлкәннәрнең хезмәтенә хөрмәт тәрбияләү максатыннан С. Титов исемендәге картон-кәгазь комбинатына сәяхәт оештырылды. Анда үзәктә тәрбияләнүчеләр лимонарийда булдылар, анда лимон, мандарин, гранат һәм хәтта кофе үстерәләр.