ЯҢАЛЫКЛАР
Татарстан Республикасы Хезмәт, халыкны эш белән тәэмин итү һәм социаль яклау министрлыгы 2025 елның 1 октябреннән 31 октябренә кадәр техник сәбәпләр аркасында Казанның Киров һәм Мәскәү районнарында яшәүче аерым бюджет тармаклары хезмәткәрләрен һәм пенсионерларны шифаханә-курорт дәвалану (шифаханә-курорт дәвалануга юлламалар һәм шифаханә-курорт дәвалануга электрон сертификатлар) мәсьәләләре буенча кабул итү Министрлыкта гамәлгә ашырылачагы турында хәбәр итә (Казан шәһәре, Волгоград ур., 47 йорт, 101 нче каб.).
3 октябрьдә Әлмәт районы «Опека» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлеге белгечләре социаль хезмәт алучы Роза Быкованы юбилее белән котладылар.
Әлмәт шәһәренең «Ветеран» инвалидларны тернәкләндерү үзәгендә игелек һәм хөрмәт атналыгы дәвам итә. Иҗади чараларның берсе киптерелгән үсемлекләрдән китап кыстыргычы ясау буенча мастер-класс булды. Венера Гарифуллина әзерләгән коры чәчәкләрдә җәй турындагы якты истәлекләр сакланган.
«Милли приоритетлар» АКБО «Ел әтисе» кулланучы видеосы конкурсын уздыру инициативасы белән чыкты. Проект аталар һәм балалар арасындагы үзара хезмәттәшлекнең уникаль үрнәкләрен ачыклауга һәм күрсәтүгә, шулай ук алар булдыра торган махсус тәрбия һәм рекреацион мохитне анализлауга юнәлдерелгән. Конкурс кысаларында әтиләрнең балаларны үстерүгә һәм социализацияләүгә керткән өлешләрен, аларның компетенцияләр формалаштырудагы ролен чагылдырган видеоматериаллар тәкъдим ителәчәк.
Бөгелмәдә «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә «Мин – зур илнең кечкенә гражданины» дигән хокукый лабиринт узды. Очрашуның максаты – үсеп килүче буынга үз хокукларыңны һәм бурычларыңны белергә, алардан дөрес файдаланырга кирәклеге турында мәгълүмат җиткерү.
Халыкара өлкәннәр көне кысаларында Мамадыш районындагы «Кайгырту» халыкка социаль хезмәт күрсәтү комплекслы үзәгенең социаль-тернәкләндерү бүлегендә «Бүләккә матурлык» традицион хәйрия акциясе узды.
«Гаилә» илкүләм проекты кысаларында «Тәтеш балкышы» халыкка социаль хезмәт күрсәтү комплекслы үзәге белгечләре көндезге тору төркеменә йөрүче яшьләргә мөстәкыйль яшәргә өйрәнергә булышалар: тегү һәм бәйләү күнекмәләрен үзләштерергә, үзләренә ризык әзерләргә, кибеткә һәм даруханәгә барырга.
«Гаилә» илкүләм проекты буенча гамәлгә ашырыла торган «Актив озын гомерлелек» программасы кысаларында Җәлил өлкәннәр һәм инвалидлар интернат-йортында төркемле иҗат дәресе узды.
Бүген Лениногорск районы «Исток-Башлангыч» халыкка социаль хезмәт күрсәтү комплекслы үзәгенең директор урынбасары һәм өйдә социаль хезмәт күрсәтү бүлеге мөдире Ветераннар советы белән берлектә атказанган ветераннар белән очраштылар.
Өлкәннәр ункөнлеге кысаларында Югары Ослан районының «Өмет утравы» халыкка социаль хезмәт күрсәтү комплекслы үзәгендә «Беренчеләр хәрәкәте» яшьләр оешмасы белән берлектә «Хезмәт десанты» акциясе үткәрелә.