Казанда Күп функцияле гаилә үзәге ачылды
26 декабрьдә Казанның Авиатөзелеш районында Күп функцияле гаилә үзәген ачу тантанасы булды.
Чарада депутат Татьяна Ларионова, Татарстан Республикасы хезмәт, халыкны эш белән тәэмин итү һәм социаль яклау министры урынбасары Юлия Абдреева, Казан Башкарма комитеты җитәкчесенең социаль өлкә мәсьәләләрен күзәтүче урынбасары Азат Абзалов, башкарма комитетның социаль сәясәт идарәсе башлыгы Ирина Смирнова, Авиатөзелеш һәм Яңа Савин районнары администрациясе башлыгы урынбасары Татьяна Агафетова, 12 нче шәһәр клиник хастаханәсе генераль директоры, депутат Рамил Әхмәтов, «SOS» хәйрия оешмасының «SOS Казан» социаль үзәге директоры Александр Головатенко, «Игелекле Казан» коммерциячел булмаган автоном оешмасы директоры Татьяна Мерзлякова, социаль яклау оешмалары вәкилләре, балалы гаиләләр катнашты.
Күп функцияле гаилә үзәге – яңа заманча урын, монда уңайлы шартларда гаилә сыйфатлы социаль хезмәтләрне «бер тәрәзә» режимында ала ала. Ата-аналар үз мәсьәләләрен хәл иткәндә, балалар уен зонасында уйный алалар. Цифрлы сервислар зонасы җиһазландырылган, анда ата-аналар мөстәкыйль рәвештә яисә белгечләр ярдәмендә мәгълүмати сервислардан файдалана ала. Социаль хезмәтләр күрсәтү секторы актуаль һәм кирәкле җайланмалар һәм материаллар белән җиһазландырылган.
Бәйрәм чарасында балалар өчен викторина һәм Яңа ел мастер-классы оештырылды.
Күп функцияле гаилә үзәге ачу – балалы гаиләләргә социаль ярдәм күрсәтү системасының мөһим өлеше, консультатив ярдәм алу мөмкинлеге, шулай ук конкрет гаилә проблемаларын хәл итүдә төрле профильле белгечләрнең катнашуы.