Югары Ослан интернат-йортына волонтер мәктәп укучылары килде
Югары Ослан урта мәктәбе волонтерларын яңадан өлкәннәр һәм инвалидлар интернат-йортында каршы алдылар. Укучылар социаль хезмәтләр алучылар өчен чираттагы мавыктыргыч иҗади мастер-класс үткәрделәр. Алар учреждение карамагындагыларны төрле төстәге кар бөртекләре ясарга өйрәтте.
Яңа ел кәефен булдыру өчен, балалар үзләре белән чыршы алып килделәр, аны мастер-класс тәмамланганнан соң барысы да кул эшләре белән бизәделәр. Интернат-йортта яшәүчеләр яшь дусларына рәхмәт әйттеләр, якынлашып килүче бәйрәм белән котладылар.
Югары Ослан урта мәктәбе белән тыгыз социаль партнерлык җайга салынган. Мәктәп укучылары еш кына социаль хезмәтләр алучылар өчен иҗади һәм танып белү чаралары үткәрәләр. Өлкән яшьтәгеләр аларны һәрвакыт көтәләр, рәхәтләнеп аралашалар. Мондый уртак чаралар социаль хезмәтләр алучылар өчен бик файдалы: алар актив рәвештә социальләшәләр, үзләренең когнитив һәм коммуникатив күнекмәләрен үстерәләр, күп яңа нәрсәләр беләләр һәм иң мөһиме – үзләрен элеккечә кирәкле итеп хис итәләр.