ЯҢАЛЫКЛАР
2025 елның 10 мартыннан 14 апреленә кадәр сәламәтлек мөмкинлекләре чикләнгән кешеләр арасында һөнәри осталык буенча «Абилимпикс» төбәк чемпионаты узачак. Татарстан буенча 37 мәйданчыкта 130 компетенция буенча ярышлар узачак.
Туган тел традицияләрен торгызу һәм балалар һәм яшүсмерләр өчен социаль приютларда тәрбияләнүче талантлы балаларны ачыклау максатларында Татарстан Республикасы Хезмәт, халыкны эш белән тәэмин итү һәм социаль яклау министрлыгы «Туган тел» шигырь укучылар конкурсы үткәрә.
Профилактик эш, социаль хезмәт күрсәтүгә мохтаҗлыкны мониторинглау максатларында ел саен Тукай муниципаль районы территориясендә 80 яшьтән өлкәнрәк ялгыз һәм ялгыз яшәүче гражданнарны өйдә карап чыгу оештырыла. 2025 елда чаралар белән 559 өлкән яшьтәге гражданны колачлау планлаштырыла.
Чистайның «Юлдаш» өлкәннәр һәм инвалидлар интернат-йорты карамагындагылар адаптив физик культура буенча инструктор Ринат Ипаров белән кышкы урманга сәяхәткә чыктылар. Алар өчен скандинав йөреше оештырылды, шулай ук өлкән яшьтәге кешеләр зарядка ясадылар.
«Гаилә» милли проектының «Өлкән буын» федераль проекты һәм «актив озын гомер» программасын гамәлгә ашыру кысаларында Буа районының «Гармония» халыкка социаль хезмәт күрсәтү комплекслы үзәгендә хәрәкәт итүләре чикләнгән өлкән яшьтәге гражданнарның һәм инвалидларның ялын оештыру һәм иҗади потенциалын гамәлгә ашыру буенча эш дәвам итә.
Балигъ булмаган социаль хезмәт алучыларның патриотик аң дәрәҗәсен күтәрү, Бөек Ватан сугышында халыкның батырлыгы турында хәтерне саклау максатларында Министрлык «Минем Ватаным – Татарстан» балалар рәсемнәре конкурсы үткәрә.
Федераль дәүләт статистикасы хезмәтенең Татарстан Республикасы буенча территориаль органы 1-СОНКО номерлы «Социаль юнәлешле коммерциячел булмаган оешма эшчәнлеге турында белешмәләр» формасы буенча статистик күзәтү үткәрә.
Алексеевск районындагы балалар һәм яшүсмерләр өчен «Кайгырту» социаль приютында «Экологик тәрбия» модуле кысаларында тәрбияче Ольга Данеева кар һәм боз белән экспериментлар үткәрде. Чара тикшеренү һәм танып белү кызыксынуын формалаштыруга, балаларны гипотезалар чыгарырга һәм аларны тәҗрибә юлы белән тикшерергә өйрәтүгә юнәлдерелгән.
Кичә Яр Чаллы шәһәренең «Изгелек» инвалидларны тернәкләндерү үзәгендә вак моториканы үстерү дәресе үткәрелде. Чара инсульттан соң тернәкләнүгә, деменция кебек авыруларны профилактикалауга, кул бармакларының вак моторикасын үстерүгә, хәтерне һәм игътибарны яхшыртуга юнәлдерелгән иде.
«Яшьләр һәм балалар» милли проектының «Без бергә» федераль проекты кысаларында «Атлант» клубында Ютазы районының «Гармония» халыкка социаль хезмәт күрсәтү комплекслы үзәге карамагындагы балалар һәм Урыссуның 1 нче мәктәбе укучылары махсус хәрби операциядә катнашучы, «Ватанны саклаучылар» фонды филиалының социаль координаторы Рөстәм Ногманов белән очраштылар.