«Гармония» үзәге карамагындагыларга мөһим кунак килде

«Яшьләр һәм балалар» милли проектының «Без бергә» федераль проекты кысаларында «Атлант» клубында Ютазы районының «Гармония» халыкка социаль хезмәт күрсәтү комплекслы үзәге карамагындагы балалар һәм Урыссуның 1 нче мәктәбе укучылары махсус хәрби операциядә катнашучы, «Ватанны саклаучылар» фонды филиалының социаль координаторы Рөстәм Ногманов белән очраштылар.

Кунак билгеләп үткәнчә, гомуми эшкә солдатлар, медицина хезмәткәрләре, инженерлар, шулай ук тылдагылар да өлеш кертә. Яшь социаль хезмәт алучылар солдатларыбызның кораллануы, алгы сызыкта яшәү шартлары, очрашырга туры килгән кыенлыклар турында сораулар бирделәр.