ЯҢАЛЫКЛАР
Түбән Камадан Фидаил Зарипов «Барс» отрядына беренчеләрдән булып кушыла. Элек ул монтажчы һәм эретеп ябыштыручы булып эшләгән. Фронттан кайткач, ул һөнәрен алыштырырга була һәм халыкны эш белән тәэмин итү үзәгенә ярдәм сорап мөрәҗәгать итә. Эш эзләү һәм һөнәри юнәлеш бирү буенча индивидуаль план ярдәмендә ул яңа белгечлек үзләштергән һәм хәзер «Татспецнефтехимремстрой» трестында слесарь-ремонтчы булып уңышлы эшли.
Һөнәрләр дөньясы белән танышу кысаларында Лаеш шәһәренең мөмкинлекләре чикләнгән балалар һәм яшүсмерләр өчен тернәкләндерү үзәгендә тәрбияләнүчеләр Лаеш техник-икътисадый техникумына экскурсия ясадылар. Балалар мәгариф учреждениесенең уку кабинетларында, тирда, җитештерү мәйданчыгында булдылар. Педагоглар балаларны полиция хезмәткәре, авиация техникасын ремонтлау һәм аларга хезмәт күрсәтү мастеры эшенең үзенчәлекләре белән таныштырдылар.
Ватанны саклаучылар елы һәм Бөек Җиңүнең 80 еллыгы кысаларында, социаль хезмәт алучыларны патриотик тәрбияләү һәм социализацияләү максатларында Казанның халыкка социаль хезмәт күрсәтү комплекслы үзәге көндезге тору бүлеге яшьләре өчен ТР Милли музеендагы «Татарстан Бөек Ватан сугышы елларында» күргәзмәсен карау оештырды.
Алтынчы мотоукчылар дивизиясенең ремонт-торгызу батальоны составы Аксубай районының «Хыял» балалар һәм яшүсмерләр өчен социаль приютында тәрбияләнүчеләргә һәм коллективка рәхмәт сүзләрен җиткерде. Социаль приютка махсус хәрби операция барышында бурычларны үтәүче хәрбиләргә ярдәм итүдә актив катнашулары өчен рәхмәт белдерделәр.
Алабуга районының «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә юл-транспорт һәлакәтләрен профилактикалауга юнәлдерелгән чара узды. Анда юл хәрәкәте кагыйдәләре буенча белгеч Екатерина Монасипова һәм юл-патруль хезмәте командиры Азат Мөбәрәкшин катнашты.
Ютазы районының «Гармония» халыкка социаль хезмәт күрсәтү комплекслы үзәгендә өлкәннәр белән эшләүдә төрле социаль технологияләр кулланыла: арт-терапия, гарденотерапия, хатирәләр терапиясе, музыка терапиясе.
Бүген Татарстан Республикасы Хезмәт, халыкны эш белән тәэмин итү һәм социаль яклау министрлыгы Социаль-хезмәт мөнәсәбәтләрен җайга салу буенча өчьяклы республика комиссиясе каршындагы Хезмәт өчен түләү, халыкның керемнәре һәм тормыш дәрәҗәсе буенча координация советы утырышын уздырды. Чара IZUM-конференция режимында узды.
22–23 май көннәрендә ТР Хезмәт, халыкны эш белән тәэмин итү һәм социаль яклау министрлыгы карамагындагы учреждениеләрнең 12 белгече Авыр тормыш хәлендә калган балаларга ярдәм фондының һөнәри стажировка мәйданчыкларының берсе базасында квалификацияләрен күтәрделәр. Укулар Саратов өлкәсендә узды.
Республиканың сукырларны һәм начар күрүчеләрне социаль тернәкләндерү үзәге директоры Антон Агафонов Казанда 19–23 май көннәрендә узган III Бөтенроссия сукырлар җәмгыятенең бөтенроссия социаль-тернәкләндерү форумы эшендә актив катнашты. Ул пленар утырышта үзәк эше турындагы доклад белән чыгыш ясады.
23 майда Яр Чаллы шәһәренең «Изгелек» инвалидларны тернәкләндерү үзәгендә физик һәм менталь тайпылышлары булган яшьләр өчен «Сәламәтлек хәрәкәттә» дигән сәламәтләндерү чарасы үткәрелде.