ЯҢАЛЫКЛАР
Татарстанда 2015 елдан социаль ятимлекне профилактикалау буенча «Аеклык ноктасы» проекты эшли. Ул ата-аналары алкогольгә бәйлелектән интеккән гаиләләргә ярдәм итә. Бүген матбугат конференциясендә проектны гамәлгә ашыруның ун еллык нәтиҗәләре турында министр урынбасары Юлия Абдреева сөйләде.
11 февральдә Яр Чаллы шәһәренең «Изгелек» инвалидларны тернәкләндерү үзәгенең көндезге тору бүлекчәсе социаль хезмәт алучылары белән Ватанны саклаучылар көненә открытка ясау буенча мастер-класс үткәрде. Чара вак моториканы үстерүгә юнәлдерелгән.
10 февраль көнне Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә «Россия музейлары буенча виртуаль экскурсия» дигән чара узды.
10 февральдә Нина Зариповага 103 яшь тулды. Аны котларга социаль яклау бүлеге башлыгы Алсу Гатиятуллина, авыл җирлеге җитәкчесе Юрий Перфилов, баш табиб урынбасары Рәшит Шәфигуллин килде. Нина Зариповага бүләк, чәчәкләр, шулай ук Россия Президенты Владимир Путинның шәхси котлавы тапшырылды.
Түбән Кама районының «Шәфкать» халыкка социаль хезмәт күрсәтү комплекслы үзәгендә «Өй консультанты» проекты кысаларында эш дәвам итә. Проект кечкенә яшьтәге балаларга һәм аларның гаиләләренә вакытында махсуслаштырылган ярдәм күрсәтүгә юнәлдерелгән. Проект Авыр тормыш хәлендә калган балаларга ярдәм фонды тарафыннан хуплана.
Арча районының «Өмет чаткысы» мөмкинлекләре чикләнгән балалар һәм яшүсмерләр өчен тернәкләндерү үзәгендә «Әкиятләр иленә сәяхәт» дигән комплекслы чара узды. Бөек рус шагыйре А. С. Пушкинны искә алу көненә багышланган дәресне социаль педагог Филсинә Гарәфиева үткәрде.
Гашыйклар көне алдыннан Әлмәт шәһәренең «Ветеран» инвалидларны тернәкләндерү үзәгендә мастер-класс узды. Белгечләр Венера Гарифуллина һәм Рәмзилә Нуриева җитәкчелегендә социаль хезмәтләр алучылар декупаж техникасын үзләштерделәр.
Аксубай районының «Хыял» балалар һәм яшүсмерләр социаль приютында мәктәпкәчә яшьтәге балалар өчен «Солдатка открытка» иҗат остаханәсе оештырылды.
Алабуга өлкәннәр һәм инвалидлар интернат-йортында хезмәт коллективы җыелышы узды, анда учреждениенең 2025 елдагы эшенә йомгак ясалды. Чарада шулай ук район социаль яклау бүлеге җитәкчесе Ольга Колесникова да катнашты.
Тимченко фонды ярдәмен алган «Аңлап тәрбияләү» проектын гамәлгә ашыру кысаларында «Ныклы гаилә» клубының чираттагы күчмә дәресе узды. Бу юлы ул урта гомуми белем бирү мәктәбендә узды.