ЯҢАЛЫКЛАР

Югары Ослан районының «Өмет утравы» халыкка социаль хезмәт күрсәтү комплекслы үзәге белгечләре өйдә социаль хезмәт күрсәтү бүлегенең социаль хезмәт алучылары белән профилактик эш алып баралар. Шулай ук профилактик чаралар ялгыз яшәүче өлкән яшьтәге гражданнарга да кагыла.

Зәй шәһәренең «Шатлык» халыкка социаль хезмәт күрсәтү комплекслы үзәгендә Террорчылыкка каршы көрәштә теләктәшлек көненә багышланган хәтер һәм батырлык дәресе узды. Чара социаль хезмәтләр алучы балигъ булмаган балалар өчен белем дәрәҗәсен арттыру һәм җәмгыять алдында җаваплылык хисе формалаштыру максатында оештырылды.

3 сентябрьдә Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә террорчылыкка каршы айлык кысаларында «Дуслык тәме» кулинария мастер-классы узды.

Идел буе федераль округының «Менталь сәламәтлек» иҗтимагый проекты чараларын гамәлгә ашыру кысаларында Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлегендә бию сәнгате буенча мастер-класс узды.

Түбән Кама районының «Шәфкать» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсендә көндезге тору төркемендә тәрбияләнүчеләрне мөстәкыйль рәвештә ризык әзерләргә өйрәтүгә багышланган чара узды. Социаль эш буенча белгечләр Татьяна Стрельцова һәм Наталья Ванчурина җитәкчелегендә сигез бала «Бутербродлар әзерләү» дип аталган социаль-көнкүреш адаптациясе дәресендә катнашты.

Яр Чаллы шәһәренең «Изгелек» инвалидларны тернәкләндерү үзәгенең көндезге тору бүлегендә социаль хезмәт алучылар белән «Террорсыз киләчәк» социаль-педагогик дәресе үткәрелде.

Казан шәһәренең халыкка социаль хезмәт күрсәтү комплекслы үзәгенең көндезге тору бүлегендә Ттеррорчылыкка каршы көрәштә теләктәшлек көненә багышланган «Мин тынычлыкны сурәтлим» тематик дәресе узды.

Алабугада махсус хәрби операция барышында хәрби биремне үтәгәндә һәлак булган Россия Герое Станислав Большаков истәлеген мәңгеләштерделәр. 29 августта Тынычлык проспекты, 63 адресы буенча Станислав Большаков яшәгән йортта мемориаль такта ачу тантанасы булды. Чарада катнашучылар Ватанны саклаучыны бер минут тынлык белән искә алдылар.

Террорчылыкка каршы көрәштә теләктәшлек көне уңаеннан Биектау районындагы «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсенең гаилә белән эшләү буенча белгечләре Гөлнара Фәйзиева һәм Алия Нигъмәтҗанова балигъ булмаган социаль хезмәт алучылар белән террорчылыкны һәм экстремизмны кисәтүгә юнәлдерелгән дәрес үткәрделәр.

Террорчылыкка каршы көрәштә теләктәшлек көнендә Арча үзәк китапханәсендә «Шәфкать үзәге» халыкка социаль хезмәт күрсәтү комплекслы үзәгенең социаль эш буенча белгече катнашында яшүсмерләр өчен чара узды.