ЯҢАЛЫКЛАР
Авыр тормыш хәлендә калган балаларга ярдәм фонды гранты акчасына гамәлгә ашырыла торган «2024–2025 елларга балалар иминлеген тәэмин итүнең төбәк системасын үстерү буенча чаралар комплексы» проектын гамәлгә ашыру кысаларында Биектау районындагы «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе психологы Алия Нигъмәтҗанова «Бала тормышында бәйләнеш» темасына дәрес үткәрде. Социаль хезмәтләр алучылар өчен чара «Җаваплы ата-ана» программасы кысаларында оештырылды.
Ютазы районының «Гармония» халыкка социаль хезмәт күрсәтү комплекслы үзәге карамагындагы балалар «Патриот» блогер кичәсендә катнаштылар. Чакырылган кунак сыйфатында чарага махсус хәрби операциядә катнашучы килде.
Кичә Чистайның «Юлдаш» өлкәннәр һәм инвалидлар интернат-йорты карамагындагылар Чик сакчылары көненә багышланган концертта булдылар.
«Наркотикларсыз тормыш» республика наркотикларга каршы айлыгы кысаларында Югары Осланның өлкәннәр һәм инвалидлар интернат-йортында спорт-уен чарасы үткәрелде.
28 майда Шәпше авылының 4 нче социаль участогында Биектау районының «Өмет» халыкка социаль хезмәт күрсәтү комплекслы үзәгенең социаль эш буенча белгече Ләйсән Галәвиева ике профилактик дәрес үткәрде. Чаралар 2024–2028 елларга Татарстан Республикасында террорчылыкны һәм экстремизмны профилактикалау программасы кысаларында оештырылды.
27 майда республиканың барлык тернәкләндерү үзәкләрендә чираттагы ачык гаилә / ата-ана көннәре узды. Апрель–май айларында чараларда 552 кеше катнашты.
Экстремизмны һәм террорчылыкны кисәтү, 2024–2025 елларга балалар иминлеген тәэмин итүнең төбәк системасын үстерү буенча чаралар комплексын гамәлгә ашыру кысаларында Казанның Совет районындагы гаиләгә һәм балаларга социаль ярдәм бүлекчәсе белгечләре, балигъ булмаганнар эшләре буенча инспектор һәм иҗтимагый иминлек мәсьәләләре бүлегенең әйдәп баручы белгече белән берлектә, «Сайлау куркынычы» дигән интерактив хокукый сәгать үткәрделәр. Чарада социаль хезмәт алучы балигъ булмаганнар катнашты.
24 июльдән 29 июльгә кадәр Самара өлкәсендәге «Мастрюковские озера» фестиваль паркы территориясендә ел саен үткәрелә торган «иВолга» яшьләр форумы узачак. Ул илнең төрле почмакларыннан кунаклар кабул итәчәк, алар арасында – сәламәтлек мөмкинлекләре чикләнгән катнашучылар.
28 майда Алексеевск районындагы «Кайгырту» балалар һәм яшүсмерләр социаль приютында тәрбиячеләр Наталья Королева һәм Гөлшат Җаббарова Чик сакчылары көненә багышланган конкурс-уен программасы үткәрделәр. Чарада 20 бала катнашты.
Югары Ослан районында масштаблы «Яшүсмер» ведомствоара операциясе старт ала. Җәйге каникуллар башлану белән балалар куркынычсызлыгы мәсьәләләре аеруча актуаль.