ЯҢАЛЫКЛАР
Татарстан Республикасы территориясендә эшчәнлек алып баручы эш бирүчеләргә методик ярдәм күрсәтү максатларында ТР Хезмәт, халыкны эш белән тәэмин итү һәм социаль яклау министрлыгы тарафыннан 2022 елга җитештерү (производство) календаре әзерләнде.
16 ноябрь көнне Яр Чаллы шәһәренең «Изгелек» инвалидларны тернәкләндерү үзәге базасында «Тормыш яме» мини-тренингы узды. Чара тормышка кыйммәтле караш формалаштыруга, дөньяны шатланып кабул итү сәләтен үстерүгә юнәлдерелгән.
Татарстанда «Ел хатын-кызы. Ел ир-аты: хатын-кыз карашы» республика конкурсы старт алды. Ел саен үткәрелә торган традицион бәйге Татарстан Республикасы Президенты ярдәме белән үткәрелә.
Социаль куркыныч хәлдәге гаиләләрдәге балаларны дәрестән тыш эш белән тәэмин итүне оештыру кысаларында Казан шәһәре халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре 14-18 яшьлек балигъ булмаганнарга Пушкин картасын рәсмиләштерүдә ярдәм иттеләр. Моны электрон режимда, «Дәүләт хезмәтләре. Мәдәният» махсус мобиль кушымтасында эшләделәр.
11 ноябрьдә Туган телләр һәм халыклар бердәмлеге елына багышланган чаралар кысаларында Лениногорск районы «Исток-Башлангыч» халыкка социаль хезмәт күрсәтү комплекслы үзәге психологы Зилә Климашова өлкәннәр һәм балигъ булмаганнар өчен түгәрәк өстәл үткәрде.
Бөтендөнья яхшылык көне кысаларында 15 ноябрьдә Бөгелмә районы «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә кошлар өчен экологик ашханә ачылды.
Минзәлә районындагы халыкка социаль хезмәт күрсәтү комплекслы үзәге белгечләре 12 ноябрьдә Иске Маҗын авыл җирлегенә, Минзәлә кадет интернат-мәктәбенә барып кайттылар.
12 ноябрь көнне Казан шәһәренең Совет районы буенча гаиләгә һәм балаларга социаль ярдәм күрсәтү бүлеге психологы булачак әниләр өчен тренинг элементлары белән төркемле дәрес үткәрде. Чара 15 нче номерлы хатын-кызлар консультациясе базасында узды.
Шушы көннәрдә Казан шәһәренең Киров районындагы гаиләгә һәм балаларга социаль ярдәм бүлекчәсе социаль педагогы, халыкны эш белән тәэмин итү үзәгенең һөнәри юнәлеш бирү эше буенча белгече белән берлектә, төркемле дәрес үткәрделәр. Әлеге чарада социаль хезмәт алучы балигъ булмаган балалар катнашты.
Агымдагы елның октябреннән Татарстан Республикасында өлкән яшьтәге кешеләргә ярдәм күрсәтү өчен бердәм номер эшли. Кызганычка каршы, хәзерге вакытта өлкән яшьтәге гражданнарның һәм инвалидларның ялгызлык яки туганнары тиешле ярдәм күрсәтмәү сәбәпле кирәкле ярдәмсез калуы очраклары да бар. 8-800-600-42-34 номеры буенча битараф булмаган барлык гражданнар социаль хезмәт оешмаларына ярдәмгә мохтаҗ өлкән яшьтәге гражданнар турында хәбәр итә ала.