ЯҢАЛЫКЛАР

Аксубай районының «Хыял» балалар һәм яшүсмерләр өчен социаль приютында тормыш кайный, анда тәрбиячеләр генә түгел, «Импульс» отрядының яшь волонтерлары да мөһим роль уйный. Балалар һәр көнне яшелчә һәм чәчәк бакчаларын карыйлар. Алар иртә таңнан ук эшкә керешәләр: түтәлләрдә җирне йомшарталар, яхшылап су сибәләр, чүп утыйлар.

Арча районының «Шәфкать үзәге» халыкка социаль хезмәт күрсәтү комплекслы үзәгенең көндезге тору бүлекчәсе социаль хезмәт алучылары өчен мавыктыргыч «Курчак театры» дип исемләнгән дәрес үткәрелде. Чара катнашучыларның иҗади сәләтләрен үстерүгә, дөньяга карашын киңәйтүгә һәм социаль активлыгын арттыруга юнәлдерелгән. Бу дәрес барышында катнашучылар курчак театрының тарихы һәм төрләре белән танышып кына калмадылар, ә үз көчләрен актерлар ролендә сынап карый алдылар.

10 июльдә Лениногорск районының «Исток-Башлангыч» халыкка социаль хезмәт күрсәтү комплекслы үзәге белгечләре «Кадрлар» милли проектын гамәлгә ашыру кысаларында эшкә сәләтле гражданнар һәм социаль хезмәт алучылар арасыннан үсмерләр өчен чара оештырдылар.

Алабуга районындагы «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә иртә ярдәм программасын гамәлгә ашыру кысаларында очрашу узды. Үзәк директоры Галина Калашникова очрашуда катнашучыларны балаларга һәм гаиләләргә иртә ярдәм күрсәтүгә юнәлдерелгән заманча эш методикалары белән таныштырды. Балалар поликлиникасының иртә ярдәм кабинеты табиб-педиатры Гөлнара Солтанова һәм шәфкать туташы Алинә Шакирова махсус кабинетларда булдылар. Бу белгечләргә балаларга һәм аларның гаиләләренә ярдәм итүгә юнәлдерелгән дәресләрне оештыру шартлары һәм үзенчәлекләре белән яхшырак танышырга мөмкинлек бирде.

11 июльгә Татарстан Республикасында 2 432 социаль контракт төзелгән: 907 – эш эзләүгә, 955 – шәхси эшмәкәрлек оештыруга, 120 – шәхси ярдәмче хуҗалык алып баруга, 332 – башка чараларга.

9 июльдә Хезмәт хакы буенча срогы чыккан бурычларны формалаштыруга каршы тору буенча республика ведомствоара комиссиясе рәисе урынбасары Рөстәм Вәлиуллов Казан администрациясендә хезмәт хакы буенча бурычларны каплауны тәэмин итү һәм ведомствоара комиссия эш төркеме эшен оештыру мәсьәләсе буенча киңәшмә үткәрде.

10 июльдә Бөгелмә шәһәренең «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә «Интернетта куркынычсыз коммуникация һәм финанс куркынычсызлыгы» дигән мәгълүмати-аңлату чарасы узды.

10 июльдә Яр Чаллы шәһәренең «Изгелек» инвалидларны тернәкләндерү үзәгенең социаль хезмәтләр алучылары «Минем мәнфәгатьләрем дөньясы – фотография» темасына мастер-класста катнаштылар. Чара Җиңүнең 80 еллыгына багышланган.

Әлмәт районының «Опека» халыкка социаль хезмәт күрсәтү комплекслы үзәге хезмәткәрләре өйдә социаль хезмәт күрсәтү бүлегендә социаль хезмәтләр алучы Наумовлар гаиләсен котладылар.

Лениногорск районында социаль куркыныч хәлдә булган гаиләләрдән булган балигъ булмаган социаль хезмәт алучылар Эчке эшләр министрлыгының бүлегендә булдылар. Экскурсияне «Исток-Башлангыч» халыкка социаль хезмәт күрсәтү комплекслы үзәгенең социаль эш буенча белгече Светлана Фазлыева оештырды.