ЯҢАЛЫКЛАР

«Балкыш» балалар һәм яшүсмерләр өчен социаль приютында тәрбияләнүчеләр җәйге каникулларын күңелле һәм эчтәлекле итеп үткәрәләр. Яшьләр көнен бәйрәм итү кысаларында социаль хезмәтләр алучылар «Спайдер» күңел ачу паркында булдылар.

Социаль эш буенча белгеч Дания Гыйльфанова шәхси эшмәкәр Регина Низамова белән берлектә татар милли әйберләре ясау буенча мастер-класс үткәрделәр. Мастер-класс «Татнефть» хәйрия фондының «Яхшылык энергиясе» социаль инициативалар грант конкурсының «Үзем иҗат итәм» проектын гамәлгә ашыру кысаларында үткәрелде.

Яр Чаллы картиналар галереясе белән хезмәттәшлек кысаларында «Ышаныч» халыкка социаль хезмәт күрсәтү комплекслы үзәгенең көндезге тору бүлегендә социаль хезмәтләр алучылар өчен рәссам, сәнгать белгече Марат Миңнегалиев белән очрашу оештырылды.

Әлмәт муниципаль районында «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсенең социаль эш буенча белгечләре балигъ булмаган социаль хезмәтләр алучылар һәм 18 нче урта белем бирү мәктәбе укучылары белән «Холи буяулары» дигән тематик чара үткәрделәр.

26 июньдә Яшьләр көненә Лениногорск муниципаль районының «Исток–Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге психологы «Каникуллар күп булмый» дигән уен дәресе үткәрде. Чара балалар арасында уңай эмоциональ-психологик климат булдыруга юнәлдерелгән.

Бүген Алексеевск районының «Кайгырту» социаль приютында хезмәт буенча инструктор Ольга Давыдова «көмеш» волонтерлар һәм приютта тәрбияләнүчеләр катнашында шахмат-шашка турниры оештырды.

Минзәлә районы халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгечләре «Хокук территориясе» клубы эше кысаларында «Хокук белгече» уенын үткәрделәр. Тематик уенда малайлар һәм кызлар балигъ булмаганнарның хокукларын, ирекләрен һәм бурычларын белүләрен тикшерделәр, хокукый грамоталылыкны күтәрделәр.

28 июньдә барлык мөселманнар өчен төп бәйрәмнәрнең берсе – Корбан бәйрәме башланды. Бәйрәм үзе берничә көн дәвам итә, чөнки мөселман кеше барлык туганнарына һәм якыннарына барырга тиеш.

Югары Ослан өлкәннәр һәм инвалидлар өчен интернат-йорты карамагындагылар өчен Казанның Җиңү паркына традицион сәфәр оештырылды. Учреждениедә эшләнгән социаль туризм программасы кысаларында еш кына районның һәм республиканың тарихи урыннарына баралар. Җиңү паркына бару – яраткан экскурсияләр арасында.

«Яңа туган баласын кабул итүдә шикләнелгән хатын-кызларга социаль ярдәм күрсәтүне оештыру буенча ведомствоара хезмәттәшлек» технологиясен гамәлгә ашыру кысаларында Биектау муниципаль районында «Өмет» халыкка социаль хезмәт күрсәтү комплекслы үзәге психологы тарафыннан «Йөкле хатынның шәхесе: шәхеснең психологик анализы, аналыкка әзерлек» темасына төркемле дәрес үткәрелде.