Биектау районында булачак әниләр аналыкка әзерлекләрен билгеләделәр
«Яңа туган баласын кабул итүдә шикләнелгән хатын-кызларга социаль ярдәм күрсәтүне оештыру буенча ведомствоара хезмәттәшлек» технологиясен гамәлгә ашыру кысаларында Биектау муниципаль районында «Өмет» халыкка социаль хезмәт күрсәтү комплекслы үзәге психологы тарафыннан «Йөкле хатынның шәхесе: шәхеснең психологик анализы, аналыкка әзерлек» темасына төркемле дәрес үткәрелде. «Авырлы хатыннарны психологик озата бару: аналыктан баш тарту турында карарларны профилактикалау, аңлы ата-ана позициясен формалаштыру» программасы буенча чара ярым ачык төркемдә узды. Анда 11 хатын-кыз катнашты.
Арт-терапия, әкият терапиясе, музыка терапиясе ысуллары ярдәмендә бала белән психорелаксацион үзара бәйләнеш формалаштырдылар, аңа уңай кичерешләр трансляцияләделәр.
Эшнең соңгы этабында алынган гамәли күнекмәләрне һәм белемнәрне бәяләү һәм интерпретацияләү үткәрелде, йөкле хатын-кызның шәхси үзенчәлекләрен исәпкә алып, киңәшләр формалаштырылды. Дәрес яшь әниләрнең психологик адаптациясен арттырды.