ЯҢАЛЫКЛАР
2024 елның 5 сентябреннән 8 сентябренә кадәр Түбән Новгород өлкәсендә Социаль үзгәрешләр лидерларының уникаль халыкара инклюзив форумы узачак. Бөтен Россиядән һәм Беларусь Республикасыннан 300 актив катнашучы дүрт көн эчендә тулы социаль яки социаль-эшкуарлык проектлары булдырачак һәм аларны үз төбәкләрендә гамәлгә ашырачак.
Җиңү көне алдыннан Алабуга өлкәннәр һәм инвалидлар өчен интернат-йортында яшәүчеләр Хәрби дан музеенда булдылар. Музей хезмәткәре Екатерина Данилова кунаклар өчен мавыктыргыч экскурсия үткәрде.
Россиядә Гаилә елы кысаларында Яр Чаллының «Ышаныч» халыкка социаль хезмәт күрсәтү комплекслы үзәгенең социаль хезмәтләр алучылары өчен ата-аналар көче белән кулинар мастер-класс оештырылды. Резеда Мөнәвир кызы һәм Гүзәл Хасият кызы, хезмәт буенча инструктор катнашында, татар милли ризыгы әзерләү серләрен ачтылар.
«Туган ил сулышын саклыйбыз» грант проектын тормышка ашыру кысаларында Бөгелмә районында «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә удмурт милли традицияләре белән танышу буенча чаралар циклы узды.
2 майда «Пульс» волонтерлар отрядының 15 әгъзасы «Түбән Кама термалары» үзәгендә булды. Геронтоволонтерлар өчен бушлай экскурсия гражданлык җәмгыятен үстерүгә Татарстан Республикасы Рәисе грантларын бирү конкурсында грант ярдәме алган «Яхшы ярдәмче» социаль проектын гамәлгә ашыру кысаларында оештырылды.
Россиядә ел саен «Язгы игелек атнасы» акциясе үткәрелә.
Акчаларны дистанцион урлауны кисәтүгә юнәлдерелгән чаралар кысаларында, мәгълүмати-телекоммуникация технологияләрен кулланып кылынган җинаятьләрне ачу буенча җинаятьчеләрне эзләү бүлеге башлыгы Алексей Моренов Әлмәт районы «Опека» халыкка социаль хезмәт күрсәтү комплекслы үзәгенең балигъ булмаган социаль хезмәт алучылары белән профилактик әңгәмә үткәрде.
Арча районында «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә чираттагы ата-аналар җыелышы узды. Чарада чакырылган кунаклар сыйфатында Арча районы халыкны эш белән тәэмин итү үзәге вәкилләре һәм тәрбияләнүчеләрнең әти-әниләре катнашты.
Югары Ослан өлкәннәр һәм инвалидлар өчен интернат-йортында «Кызыл кәнәфер чәчәге – бәйрәм символы» дигән мастер-класс үткәрелде. Хезмәт буенча инструктор Наталья Котова җитәкчелегендә социаль хезмәтләр алучылар кәгазьдән кызыл кәнәфер чәчәге ясадылар.
Теләче районының «Чишмә» халыкка социаль хезмәт күрсәтү комплекслы үзәгендә «Бакчачы» программасы буенча чираттагы дәрес уздырдылар.