ЯҢАЛЫКЛАР

13 февраль көнне Кукмара эш белән тәэмин итү үзәге белгечләре эш һәм уку вакантлы урыннары ярминкәсе уздыралар. 

 Республика  "Гаилә" гаиләгә һәм балаларга социаль ярдәм мәгълүмати-методик үзәгендә ТР 17 муниципаль берәмлегендәге гаиләгә һәм балаларга социаль ярдәм бүлекләреннән 22 белгеч катнашында супервизия узган.

Шушы көннәрдә Тукай районы "Шәфкать" халыкны социаль тәэмин итү үзәгендә яшүсмерләрнең үз-үзләрен суицидаль тотышына багышланган түгәрәк өстәл булып узган.

Шушы көннәрдә Чистайның "Салават күпере" гаиләгә һәм балаларга социаль ярдәм үзәгендә "Без -команда" дип исемләнгән тренинг чарасы узган. Тренинг "Мангуст" яшүсмерләр отряды волонтерлары өчен үткәрелгән һәм коллективны туплау, бертөрле уйлаучыларны берләштерү,  аралашу сәләтен үстерүгә юнәлдерелгән булган. 
Балаларга  "Бункер", "Туп ат" кебек күнегүләрдә катнашырга кушылган.  Белгечләр сүзләренә караганда,  тренинг нәтиҗәсендә балалар үзләрен бердәм команда итеп тоя алганнар, аларда бер-беренә карата ышаныч хисе дә арткан.

Казан халыкны социаль тәэмин итү үзәгендә "Эрмитаж-Казан" үзәген карау буенча хәйрия чарасы үткәрелгән.  Мәдәният елы кысаларында "Безнең тирәдәге сәнгать" дип исемләнгән чара да уздырылган.

Шушы көннәрдә Балтач районында  Бөек Ватан сугышында җиңүнең 70 еллыгына багышланган чараларны әзерләү һәм үткәрү буенча оештыру комитетының чираттагы утырышы булып узган.

Кукмара районы мәгариф бүлегенең  мәгълүмати-методик үзәгендә район мәктәпләре директорлары һәм  “Тылсым” халыкны социаль тәэмин итү комплекслы үзәге белгечләре катнашында  "Социаль куркыныч хәлдә булган яшүсмерләрне исәпкә алу һәм мониторинглау" дигән яңа  мәгълүмати система кертүгә багышланган чара узган.

 ТР "ДОСААФ"  "Курс" РМОО, "Туган ил" берләшмәсе" һәм "Кар десанты" НП  инициативасы белән Татарстан район һәм шәһәрләре буенча  "Хәтер маршы" дип исемләнгән  алтынчы кышкы яшьләр марафоны уза. Маршның максаты республиканың шәһәр-районнарында  хәрби-патриотик тәрбия эшләре алып бару, Бөек Ватан сугышында һәлак булган сугышчыларның туганнарын эзләүдән гыйбарәт.
Бу поход кысаларында бүген Балтач мәдәният үзәгендә әлеге хәрәкәтнең яшь активистлары чыгышы булып узган. Шулай ук поход барышында табылган предметлар һәм фотоматериаллардан торган күргәзмә дә эшләгән.  Барлык чыгышлар, җыр-биюләр дә сугыш темасына багышланган.  Биредә Балтач гимназиясе, урта мәктәбе укучылары һәм "Әңгәмәдәш" дигән  мөмкинлекләре чикле кешеләр өчен  клуб әгъзалары да катнашкан.

Бүген Кукмараның "Тылсым" халыкны социаль тәэмин итү үзәге гаиләгә һәм балаларга социаль ярдәм бүлеге белгечләре  "Йорт учагы" гаилә клубы эшчәнлеге кысаларында  спорт чарасы уздырганнар.

Буаның  “Гармония”  халыкны социаль тәэмин итү үзәгенең гаиләгә һәм балаларга социаль ярдәм бүлеге  белгечләре тарафыннан "Яшүсмер" дигән клуб әгъзалары белән "Закон һәм кыйммәтләр" дигән чара үткәрелгән. Балалар белән "РФ төп законнары, алар кем тарафыннан кабул ителә?" дигән темага аралашканнар.