Кукмараның “Тылсым” үзәге белгечләре яңа мәгълүмати система кертүгә багышланган чара уздырганнар

Кукмара районы мәгариф бүлегенең  мәгълүмати-методик үзәгендә район мәктәпләре директорлары һәм  “Тылсым” халыкны социаль тәэмин итү комплекслы үзәге белгечләре катнашында  "Социаль куркыныч хәлдә булган яшүсмерләрне исәпкә алу һәм мониторинглау" дигән яңа  мәгълүмати система кертүгә багышланган чара узган. Түгәрәк өстәл кысаларында авыр тормыш хәлендә булган гаиләләрне барлау, аларны тернәкләндерү буенча  ведомствоара хезмәттәшлек итү проблемалары хакында сөйләшкәннәр.  Югарыда билгеләп үтелгән система кертелү уңаеннан анда эшләүнең хаталары турында да искәртеп үткәннәр.  Гаиләгә һәм балаларга социаль ярдәм белгече Т.Кузнецова әлеге система белән ничек дөрес эшләргә дигән сорауга  тәфсилле җаваплар биргән.