ЯҢАЛЫКЛАР
Татарстан Республикасы Хезмәт, халыкны эш белән тәэмин итү һәм социаль яклау министрлыгы төбәкнең кадрларга ихтыяҗының җиде еллык фаразын тәкъдим итте. Ведомство исәпләвенчә, төбәкнең кадрларга еллык ихтыяҗы 50 мең кешене тәшкил итә.
Арча районының «Өмет чаткысы» сәламәтлек мөмкинлекләре чикле балалар һәм яшүсмерләр өчен тернәкләндерү үзәгендә «МультИсток» проекты гамәлгә ашырыла башлады. Проект 2025 елда гражданлык җәмгыятен үстерүгә Татарстан Республикасы Рәисе грантларын бирү конкурсында җиңүче булды.
Аксубай районының «Хыял» балалар һәм яшүсмерләр өчен социаль приютында тәрбияләнүчеләр «Беренчеләр хәрәкәте» юөтенроссия хәрәкәте оештырган «Һәркем өчен фән» акциясендә катнаштылар.
2025 елда Татарстанда яшәүче 274 хатын-кыз Татарстан Республикасының «Россия эше» кадрлар үзәге ярдәмендә үз эшләрен ачу өчен 145 100 сум акча алган. Барлыгы 323 кеше бизнес башлауга субсидия алган.
9 февральдә Зәй районының «Шатлык» халыкка социаль хезмәт күрсәтү комплекслы үзәге базасында көндезге тору бүлеге социаль хезмәт алучылары өчен «Зур сугышның кечкенә геройлары» дигән мәгълүмат сәгате үткәрелде.
9 февральдә Лениногорск районының «Исток-Башлангыч» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге белгече Анастасия Туктарова социаль хезмәт алучы балигъ булмаган балалар өчен «Тынычлыкка каршы бергә: ярдәм итәр өчен ничек сөйләшергә» дигән мәгълүмат сәгате үткәрде. Чара суицидларны профилактикалауга юнәлдерелгән.
«Чишмә» халыкка социаль хезмәт күрсәтү комплекслы үзәге Теләче район үзәк хастаханәсе белән берлектә «Гаилә» милли проекты кысаларында 65 яшьтән өлкәнрәк авыл кешеләрен медицина учреждениеләренә илтү эшен яңадан башлап җибәрделәр.
5 февральдә Питрәч районының «Шатлык» балалар һәм яшүсмерләр социаль приютында тәрбияләнүчеләр Казан ветеринария медицинасы академиясендә булдылар. Югары уку йорты укытучылары балалар өчен төрле кафедралар буйлап мавыктыргыч сәяхәт уздырды.
Шушы көннәрдә Менделеевск районының «Кама таңнары» балалар һәм яшүсмерләр социаль приютының туку остаханәсендә яшүсмерләр арасында тукучылык буенча ярышлар узды.
Яшел Үзән шәһәренең «Ышаныч» мөмкинлекләре чикләнгән балалар һәм яшүсмерләр өчен тернәкләндерү үзәгендә патриотик очрашу узды. Кунакта «Тыныч күк йөзе телибез» хәйрия фонды җитәкчесе һәм махсус хәрби операция катнашучысы булды.