Лениногорск районында «Халыклар дуслыгы – Россия байлыгы» уен-эстафетасы узды
Россия халыклары бердәмлеге елы кысаларында бүген Лениногорск районының «Исток-Башлангыч» халыкка социаль хезмәт күрсәтү комплекслы үзәгенең социаль эш буенча белгече Алсу Вахитова балигъ булмаганнар өчен «Халыклар дуслыгы – Россия байлыгы» дип исемләнгән мавыктыргыч уен-эстафета үткәрде. Чараның максаты яшь буынны Россия халыкларының традицион уеннары белән таныштыру, төрле милләт кешеләре арасында дуслыкны һәм хөрмәтне ныгыту иде.
Чара саф һавада узды һәм илебез халыкларының гореф-гадәтләре турындагы белемнәрен тикшереп кенә калмыйча, җитезлек, көч һәм команда рухы күрсәтергә әзер булган катнашучыларны җыйды. Уен программасына актив халык уеннары кертелгән иде. Катнашучыларда Россиянең төрле халыкларының традицион уеннары аеруча кызыксыну уятты.
Чара бердәмлек символына әверелгән уртак дуслык әйлән-бәйләне белән тәмамланды.