Яр Чаллыда автогигант юбилеена багышланган чаралар үткәрелә
Нәкъ 50 ел элек 16 февральдә төп конвейердан беренче совет серияле йөк машинасы, бортлы «КамАЗ-5320» төшә. Яр Чаллыда әлеге юбилей датасына багышланган төрле чаралар уза.
«Ышаныч» халыкка социаль хезмәт күрсәтү комплекслы үзәгендә социаль хезмәткәр Зинаида Ялюхова үз карамагындагы әби белән шәхси дәрес үткәрде. «Әдәби утырулар» технологиясе кысаларында социаль хезмәтләр алучы белән юбилей датасы турында сөйләштеләр. Социаль хезмәткәр автогигант хезмәткәрләренең хезмәтен һәм тормышын чагылдырган фотоальбомнар сайлап алган иде. Зинаида Ялюхова туган шәһәре һәм аның легендар предприятиесе белән бәйле үткәндәге якты мизгелләрне хәтердә җанландырырга ярдәм итте. Элек «КамАЗ» китапханәсе хезмәткәре, социаль хезмәтләр алучы завод эшчеләре белән танышу турында сөйләде.
«Гаилә» милли проекты кысаларында оештырылган мондый дәресләр өлкәннәр өчен зур әһәмияткә ия. Алар социаль активлыкны сакларга, үзеңне кирәкле һәм мөһим итеп тоярга, шулай ук актив озын гомерлелекне озайтырга ярдәм итә.