«Яңарыш» үзәгендә балаларга сабын куыклары тамашасы бүләк иттеләр

2026 елның 2 апреле, пәнҗешәмбе

2 апрельдә, Бөтендөнья аутизм проблемасы турында мәгълүмат тарату көнендә, Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәге үзенчәлекле балалар һәм аларның ата-аналарына бәйрәм бүләк итү өчен үз ишекләрен ачты.

Чараның төп вакыйгасы сабын куыклары тамашасы булды. Һәр бала, үзенең индивидуаль үзенчәлекләренә карамастан, елмаеп һәм дәртләнеп куык тотты. Һәр кечкенә катнашучы иганәчеләрдән татлы бүләкләр алды. Мондый чаралар балаларны сөендереп кенә калмый, ә ата-аналарга балаларын тулы канлы тормыш белән тәэмин итәргә омтылуларында ялгыз түгел икәнлекләренә ышаныч та бирә.