ЯҢАЛЫКЛАР

«Тәтеш балкышы» халыкка социаль хезмәт күрсәтү комплекслы үзәгенең көндезге тору төркемендә булган яшьләр «Яңа гасыр» мәдәни-күңел ачу үзәгендә булдылар. Алар өчен «Бию калейдоскобы» программасы оештырылды.

Мамадыш районы «Кайгырту» халыкка социаль хезмәт күрсәтү комплекслы үзәгенең көндезге тору бүлегендә социаль хезмәт алучылар өчен уен терапиясе кулланып дәрес үткәрелде. Бу технология борчылу һәм уңайсызлык хисе белән көрәшергә, ярсудан котылырга, эчке тынычлыкны кайтарырга ярдәм итә.

Алабуга өлкәннәр һәм инвалидлар интернат-йорты «Благо Дарю» инициатив төркеменә китапханә өчен җиһаз сатып алуда, аны җыюда һәм урнаштыруда ярдәм иткәннәре өчен рәхмәт белдерә.

11 февральдә тыл хезмәтчәне Анастасия Александрова үзенең 100 яшьлек юбилеен билгеләп үтә. Аны бу истәлекле дата белән Лаеш муниципаль районы башлыгы Илдус Зарипов котлады. Шулай ук Анастасия Александровага «1941–1945 еллардагы Бөек Ватан сугышында Җиңүгә 80 ел» юбилей медале тапшырылды.

Зоя Карсакова һәм Александра Еливанова «Балансир» дигән яңа өстәл уенын үзләштерәләр. Психолог Светлана Айметова җитәкчелегендәге Буа районының өлкәннәр һәм инвалидлар өчен интернат-йортында яшәүчеләр өстәл уены уйный, аның максаты – уен кырын аудармау һәм аннан бер генә агач блокны да төшереп калдырмау.

Минзәлә районының Мөмкинлекләре чикле балалар һәм яшүсмерләр өчен «Умырзая» тернәкләндерү үзәгендә даими рәвештә һөнәри юнәлеш бирү чаралары уза.

Спас муниципаль районы Башкарма комитеты җитәкчесенең социаль мәсьәләләр буенча урынбасары Евгений Савинов Спас өлкәннәр һәм инвалидлар интернат-йортының социаль хезмәтләр алучысы Мария Елисовага «1941–1945 еллардагы Бөек Ватан сугышында Җиңүгә 80 ел» юбилей медален тапшырды.

Февраль башында һава шартлары аркасында тротуарларда боз каты барлыкка килде. Бу юлы Аксубай районының «Хыял» социаль приютының «Импульс» отряды волонтерлары «Яр буе» иҗтимагый киңлегенә игътибар иттеләр, анда олылар һәм балалар еш йөри. Лом һәм көрәкләр алып, волонтерлар таган һәм беседкалар тирәсендәге бозны ваттылар.

Югары Ослан районында профилактика системасы субъектлары катнашында муниципаль социаль-тернәкләндерү консилиумының чираттагы утырышы узды.

«Туган кешеләр» клубы эше кысаларында Түбән Кама районы «Шәфкать» халыкка социаль хезмәт күрсәтү комплекслы үзәге психологы Наталья Емельянова социаль хезмәт алучы гаиләләрдән булган өлкәннәр өчен «Хисләрне иреккә чыгарабыз» дип исемләнгән дәрес үткәрде. Чараның максаты – катнашучыларны үзләренең эмоциональ халәтләрен тигезләү ысулларына өйрәтү.