ЯҢАЛЫКЛАР
Түбән Кама районының «Балкыш» социаль приюты буенча экскурсия кысаларында балигъ булмаган социаль хезмәтләр алучылар үзләре тирәсендәге һөнәрләр белән таныштылар.
IX «Без барьеров» инвалидлар тормышы турында бөтенроссия фотоконкурсында катнашу өчен гаризалар кабул итү ачылды. Ул инвалидларның проблемаларына һәм аларның җәмгыятькә социаль интеграциясенә җәмгыятьнең игътибарын җәлеп итү максатыннан үткәрелә.
29 мартта Шәпши авылындагы 4 нче социаль участокта Биектау районының «Өмет» халыкка социаль хезмәт күрсәтү комплекслы үзәгенең социаль эш буенча белгече балалар һәм яшүсмерләр арасында толерантлыкны үстерүгә юнәлдерелгән ишегалды уеннары оештырды. Чара террорчылыкны һәм экстремизмны профилактикалау буенча республика максатчан программасы кысаларында уздырылды.
Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлеге карамагындагыларның тормыш сыйфатын яхшырту өчен оптималь шартлар тудыру – белгечләрнең өстенлекле бурычы. Бүлектә тернәкләндерү чаралары программасы һәрвакыт бай һәм күпкырлы. Үзара хезмәттәшлек һәм уртак эшчәнлеккә иреклеләр һәм хәйрия оешмаларын җәлеп итү буенча актив эш алып барыла.
Конкурс киң җәмәгатьчелек арасында инвалидларның казанышларын популярлаштыру, инвалидларны актив яшәү рәвешенә җәлеп итү, актив эшчәнлеккә мотивацияләү һәм инвалидларны җәмгыятькә интеграцияләү максатыннан үткәрелә.
«Бердәм Россия» белән минем карьерам» федераль проекты кысаларында Зәй шәһәренең халыкны эш белән тәэмин итү үзәге эшсез гражданнар өчен район предприятиесенә экскурсия оештырды. 11 дәгъвачы 29 мартта «Зәй крекеры» кондитер фабрикасы» ҖЧҖдә булды.
Туган тел традицияләрен торгызу һәм талантлы балаларны ачыклау максатыннан Татарстан Республикасы Хезмәт, халыкны эш белән тәэмин итү һәм социаль яклау министрлыгы балалар һәм яшүсмерләр өчен социаль приютларда тәрбияләнүчеләр арасында «Туган тел» шигырь укучылар конкурсы үткәрә.
Беренче «Россия эше. Мөмкинлекләр вакыты» Бөтенроссия эшкә урнаштыру ярминкәсенең төбәк этабы 14 һәм 15 апрельдә Татарстанның барлык шәһәрләрендә узачак. Казанда чара В. И. Ленин исемендәге мәдәни-ял комплексында узачак.
28 мартта ветераннар, пенсионерлар һәм инвалидларның берьюлы берничә иҗтимагый оешмасы урнашкан Мәдәни мирас йортында Минзәлә районының халыкка социаль хезмәт күрсәтү комплекслы үзәге белгечләре «Мин яшәгән йорт. Өйдә куркынычсызлык кагыйдәләре» дигән практик дәрес оештырдылар. Чарада инвалидлык сәбәпле эшкә урнаша алмаган көндезге тору төркеме яшьләре катнашты.
29 мартта Яр Чаллы педагогия көллиятендә «Изгелек» инвалидларны тернәкләндерү үзәге белгече IX «Абилимпикс» инвалидлар һәм сәламәтлек мөмкинлекләре чикләнгән затлар арасында һөнәри осталык буенча милли чемпионатының төбәк этабында катнашучылар өчен бисер үрү буенча мастер-класс үткәрде.