Минзәләдә көндезге тору төркеме белән өйдә куркынычсызлык кагыйдәләрен кабатладылар
28 мартта ветераннар, пенсионерлар һәм инвалидларның берьюлы берничә иҗтимагый оешмасы урнашкан Мәдәни мирас йортында Минзәлә районының халыкка социаль хезмәт күрсәтү комплекслы үзәге белгечләре «Мин яшәгән йорт. Өйдә куркынычсызлык кагыйдәләре» дигән практик дәрес оештырдылар. Чарада инвалидлык сәбәпле эшкә урнаша алмаган көндезге тору төркеме яшьләре катнашты.
Дәресне янгын сүндерү бүлегенең чакырылган хезмәткәре башлады, ул электр җылыту җиһазлары һәм электр приборлары белән куркынычсыз тотыш кагыйдәләре турында әңгәмә үткәрде. Комплекслы үзәк белгечләре яшь инвалидларга укыту мультфильмнары сериясен күрсәттеләр. Кухняда микродулкынлы мич һәм газ плитәсе белән эшләү кагыйдәләрен өйрәнделәр. Шулай ук катнашучыларга тематик буклетлар тапшырылды.
Оештыручылар әйтүенчә, мондый дәресләр ярдәмендә көнкүрештә куркынычсыз тотыш кагыйдәләрен белү нигезе формалаша.