ЯҢАЛЫКЛАР
2025 елның 7 июленнән 19 октябренә кадәр Ярославль өлкәсендә «Россия аталары» бөтенроссия иҗтимагый хәрәкәтенең төбәк бүлеге белән берлектә «ЯрПАПА шагает по стране 2025» гаилә видеороликлары бөтенроссия конкурсы уздырылды.
Инвалидлар декадасы кысаларында Чистайның «Юлдаш» өлкәннәр һәм инвалидлар интернат-йортында «Ленок» рус халык ансамбле һәм «Шапчак» чуваш халык ансамбле артистлары булды. Коллективлар патриотик тематикалы музыкаль әсәрләр, лирик һәм халык җырларын башкардылар.
Бүген Яр Чаллы шәһәренең «Изгелек» инвалидларны тернәкләндерү үзәгендә Валентина Харитонова һәм «көмеш» хезмәт ветераннары төркеме җитәкчелегендә хәйрия концерты оештырылды.
Идел буе федераль округының «Менталь сәламәтлек» иҗтимагый проекты кысаларында Яр Чаллы шәһәренең «Ышаныч» халыкка социаль хезмәт күрсәтү комплекслы үзәге белгечләре менталь тайпылышлары булган кешеләрне психосоциаль тернәкләндерүгә инновацион алымнарны актив үзләштерәләр һәм кертәләр. Проектны гамәлдә тормышка ашыруның бер мисалы булып психолог Надежда Горячеваның көндезге тору бүлегендә эшләве тора.
3 декабрьдә Зәйдә бәйрәм концерты булды, анда «Шатлык» халыкка социаль хезмәт күрсәтү комплекслы үзәгенең көндезге тору бүлегеннән хезмәт алучылар чакырылган иде. Чара инвалид кешеләрне, аларның якыннарын һәм бу көннең мөһимлеген аңлаучыларны җыйды.
5 декабрьдә Мамадыш районы «Кайгырту» халыкка социаль хезмәт күрсәтү комплекслы үзәгенең көндезге тору бүлеге, социаль-тернәкләндерү бүлеге хезмәтләрен алучылар спартакиадада катнаштылар. Алар спорт өстәл уеннарына кушылды.
Биектау районының «Өмет» халыкка социаль хезмәт күрсәтү комплекслы үзәгендә «Беренчеләр хәрәкәте» волонтерлары белән берлектә яшь социаль хезмәт алучылар өчен Яңа ел чыршысы уенчыклары ясау буенча мастер-класс үткәрделәр.
Яшүсмерләр-яшьләр клубында аеруча бәйрәм кәефе иде. Биредә мөмкинлекләре чикләнгән балалар инвалидлар декадасына багышланган чарага җыелды.
Татарстан Республикасы Хезмәт, халыкны эш белән тәэмин итү һәм социаль яклау министрлыгы 2025 елның 1 декабреннән 30 декабренә кадәр техник сәбәпләр аркасында Казанның Вахитов һәм Идел буе районнарында яшәүче аерым бюджет тармаклары хезмәткәрләрен һәм пенсионерларны шифаханә-курорт дәвалану (шифаханә-курорт дәвалануга юлламалар һәм шифаханә-курорт дәвалануга электрон сертификатлар) мәсьәләләре буенча кабул итү Министрлыкта гамәлгә ашырылачагы турында хәбәр итә (Казан шәһәре, Волгоград ур., 47 йорт, 101 нче каб.).
3 декабрьдә инвалидлар декадасы кысаларында Бөгелмә районының «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Спортландия» спорт бәйрәме оештырылды.