ЯҢАЛЫКЛАР

Менделеевск районындагы «Кама таңнары» балалар һәм яшүсмерләр өчен социаль приюты тәрбиячесенең гаиләсе Уфада узган «Это у нас семейное» Бөтенроссия конкурсының ярымфиналыннан кайтты. Идел буе федераль округының 14 субъектыннан 400дән артык гаилә дүрт көн эчендә үзләрен максималь күрсәтү өчен килде. Бу сәяхәт-ярышлар, аралашу, танышу, гаилә кыйммәтләрен популярлаштыру тәҗрибәсе.

6 июньдә Татарстан Республикасы хезмәт, халыкны эш белән тәэмин итү һәм социаль яклау министры урынбасары Адель Мөбарәкшин 2 нче Балык Бистәсе мәктәбенең 8 нче сыйныф укучылары өчен Цифр дәресе үткәрде. Дәреснең темасы – «Интернетта белдерүләрне ничек дөрес урнаштырырга».

5 июньдә «Наз» ятим балаларга һәм инвалидларга ярдәм итү иҗтимагый хәйрия фонды күпбалалы гаиләләрдәге, сәламәтлек мөмкинлекләре чикләнгән балаларга, ведомствоара исәптә торучы балаларга Казанның «Замбези елгасы» зооботаника бакчасына бушлай керү көнен оештырды.

5 июньдә Яр Чаллы шәһәренең «Изгелек» инвалидларны тернәкләндерү үзәгенең социаль хезмәтләр алучылары Бөтендөнья әйләнә-тирәлекне саклау көненә багышланган «Чиста шәһәр» акциясен үткәрделәр.

6 июньдә, Социаль хезмәткәр көнен бәйрәм итү алдыннан, Түбән Кама районының «Шәфкать» халыкка социаль хезмәт күрсәтү комплекслы үзәгендә социаль тармак белгечләре катнашында бәйрәм чарасы узды. Анда Түбән Кама районы Башкарма комитетының социаль мәсьәләләр буенча җитәкчесе Илдар Рамазанов һәм районның социаль яклау идарәсе башлыгы Светлана Власенко да катнашты.

Югары Ослан өлкәннәр һәм инвалидлар өчен интернат-йортында кәгазьдән эшләнмәләр ясау буенча мастер-класс узды. Аны практикант Алина Шәрәфетдинова үткәрде.

«Йолдызлык» мәдәни үсеш үзәге базасында Социаль хезмәткәр көненә багышланган тантаналы чара узды. 

Гаилә елы кысаларында Минзәлә районында халыкка социаль хезмәт күрсәтү комплекслы үзәгенең көндезге тору төркеме өчен гаиләгә кыйммәт буларак мөнәсәбәт формалаштыруга юнәлдерелгән яңа дәресләр блогы башланды.

Спас өлкәннәр һәм инвалидлар өчен интернат-йортында социаль хезмәтләр алучылар тәрбияче Ирина Телицына белән күрше Алексеевск районында ике музейда булдылар.

3 июньдә Халыкара велосипед көне билгеләп үтелә. Алексеевск районы «Кайгырту» балалар һәм яшүсмерләр өчен социаль приютында тәрбиячеләр Наталья Корнева һәм Наилә Дәүләтшина тәрбияләнүчеләр өчен «Барысы да велобәйрәмгә» спорт күңел ачулары оештырдылар.