ЯҢАЛЫКЛАР
«Коррупциягә каршы көрәш турында» 2008 елның 25 декабрендәге 273-ФЗ номерлы Федераль законның 121 статьясындагы 3 өлешенең 7 пункты нигезендә Россия Федерациясе субъектларының дәүләт вазыйфаларын, муниципаль вазыйфаларны биләүче һәм үз вәкаләтләрен даими нигездә гамәлгә ашыручы затларга хезмәт бурычларын үтәүгә (вәкаләтләрне гамәлгә ашыруга) бәйле рәвештә бүләкләр алу, шул исәптән түләүсез рәвештә хезмәтләр алу, башкарылган эшләр нәтиҗәләре алу, шулай ук мөлкәтне вакытлыча файдалануга алу тыела. Шундый ук тыю дәүләт һәм муниципаль хезмәткәрләргә, аерым оешмаларның хезмәткәрләренә карата да билгеләнгән.
8–9 декабрь көннәрендә Бөгелмәнең «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә Халыкара коррупциягә каршы көрәш көненә багышланган тематик коррупциягә каршы көннәр узды.
Халыкара коррупциягә каршы көрәш көне алдыннан Лениногорск районының «Исток-Башлангыч» халыкка социаль хезмәт күрсәтү комплекслы үзәгендә хезмәт коллективы белән җыелыш үткәрелде.
Әлмәттә «Мин коррупциягә каршы!» конкурсы катнашучыларын бүләкләделәр. Иҗади ярыш «Ветеран» инвалидларны тернәкләндерү үзәге хезмәткәрләренең балалары өчен оештырылды.
20 ноябрьдә Әлмәт районындагы «Опека» халыкка социаль хезмәт күрсәтү комплекслы үзәге базасында хокукый ярдәм көне оештырылды. Чара юрисконсульт, гаиләгә һәм балаларга социаль ярдәм бүлеге белгечләре катнашында узды.
Министрлык карамагындагы учреждениеләр җитәкчеләре һәм белгечләре өчен коррупцион һәм башка хокук бозуларны профилактикалау өлкәсендә компетенцияләрне камилләштерү максатында июльдән октябрьгә кадәр «Оешмаларда коррупцияне кисәтү» һәм «Коррупцион һәм башка хокук бозуларны профилактикалау бүлекчәләренең функцияләре» квалификация күтәрү программалары гамәлгә ашырылды. Квалификация күтәрү курсларының эш программалары Россия Федерациясенең коррупциягә каршы тору өлкәсендәге норматив хокукый актлары нигезендә эшләнде.
30 сентябрьдә Әлмәт районында «Опека» халыкка социаль хезмәт күрсәтү комплекслы үзәгенең коррупциягә каршы көрәш комиссиясенең чираттагы утырышы булды.
Түбән Кама районының «Шәфкать» халыкка социаль хезмәт күрсәтү комплекслы үзәгендә хезмәткәрләр шәһәр башлыгының коррупциягә каршы көрәш мәсьәләләре буенча ярдәмчесе Әлфәр Фәтхуллин белән очрашты. Чара коррупциягә каршы көрәшнең актуаль мәсьәләләренә һәм хезмәт законнарын бозуларны кисәтүгә багышланган иде.
Коррупциягә каршы тәрбия чаралары кысаларында Бөгелмәдә «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә «Балаларга коррупция турында» мәгълүмат сәгате үткәрелде.
Коррупциягә каршы көрәш кысаларында дәүләт хезмәткәрләре үз керемнәре, чыгымнары һәм мөлкәте турында мәгълүмат бирергә тиеш. Бүген Татарстан Республикасы Хезмәт, халыкны эш белән тәэмин итү һәм социаль яклау министрлыгында 2025 елда әлеге мәгълүматларны бирүгә әзерләнүгә багышланган семинар узды.