Коррупциягә каршы хокукый агарту: дәүләт хезмәткәрләре игътибарына

«Коррупциягә каршы көрәш турында» 2008 елның 25 декабрендәге 273-ФЗ номерлы Федераль законның 121 статьясындагы 3 өлешенең 7 пункты нигезендә Россия Федерациясе субъектларының дәүләт вазыйфаларын, муниципаль вазыйфаларны биләүче һәм үз вәкаләтләрен даими нигездә гамәлгә ашыручы затларга хезмәт бурычларын үтәүгә (вәкаләтләрне гамәлгә ашыруга) бәйле рәвештә бүләкләр алу, шул исәптән түләүсез рәвештә хезмәтләр алу, башкарылган эшләр нәтиҗәләре алу, шулай ук мөлкәтне вакытлыча файдалануга алу тыела. Шундый ук тыю дәүләт һәм муниципаль хезмәткәрләргә, аерым оешмаларның хезмәткәрләренә карата да билгеләнгән.

Тыюны бозу мәнфәгатьләр конфликты барлыкка килү өчен шартлар тудыра, кабул ителә торган карарларның объективлыгын шик астына куя, дисциплинар җаваплылыкка китерә (ышанычны югалтуга бәйле рәвештә эштән азат итүгә кадәр).

Дәүләт (муниципаль) хезмәткәрләренең коррупциягә һәм башка хокук бозуларга каршы тору максатларында этика нормаларын үтәве буенча Россия Федерациясе Хезмәт һәм социаль яклау министрлыгы әзерләгән тәкъдимнәр нигезендә, бүләк бирелүче вазыйфаи затлар аларга карата турыдан-туры дәүләт (муниципаль) идарәсе функцияләрен башкаручы дусларыннан яисә башка затлардан хезмәттән тыш вакытта бүләкләр алу шулай ук билгеләнгән тыюны бозу булып тора.

РФ Гражданлык кодексы дәүләт хезмәткәрләренә, беркетмә чараларына, хезмәт командировкаларына һәм башка рәсми чараларга бәйле рәвештә бүләк ителгән бүләкләрдән тыш, хезмәт бурычларын үтәүгә бәйле рәвештә бүләкләр бирүне рөхсәт итми.

Беркетмә чарасы дигәндә, аны үткәргәндә ведомство, милли, мәдәни үзенчәлекләр нәтиҗәсендә барлыкка килгән тәртип (церемониал) һәм (яисә) чараны үткәрү барышын терки торган беркетмә каралган чараны аңларга кирәк.

Рәсми чара дигәндә, аны үткәрү тиешле боерык белән санкцияләнгән чараны аңларга кирәк (мәсәлән, хезмәт командировкасы, шул исәптән командировка вакытындагы очрашулар һәм башка чаралар, киңәшмәләр, конференцияләр һ. б.).

Беркетмә чараларына һ. б. бәйле рәвештә бүләк алу, бүләк тапшыру һәм аны бәяләү, аны сатып алу һәм моннан кергән акчаларны күчерү турындагы хәбәр Россия Федерациясе Хөкүмәтенең 2014 елның 9 гыйнварындагы 10 номерлы карары белән расланган.

Вазыйфаи затка бүләк тапшыру алдыннан бүләкләү мөмкинлеген вазыйфаи затның яллаучы вәкиле (җитәкчесе) белән алдан килештерү тәкъдим ителә.