ЯҢАЛЫКЛАР

Татарстанда 5-30 май көннәрендә инвалидлар һәм мөмкинлекләре чикле кешеләр арасында һөнәри осталык буенча «Абилимпикс» региональ чемпионаты узачак. Анда 1 233 конкурсант катнашачак, бу узган ел белән чагыштырганда 400 кешегә күбрәк. Бу хакта ТР Һөнәри компетенцияләрне үстерү үзәге генераль директоры Эмиль Гобәйдуллин «Татар-информ»да узган матбугат конференциясендә хәбәр итте.

32 ел элек, 1991 елның 19 апрелендә, «Россия Федерациясе халкының мәшгульлеге турында» Законы кабул ителде. Бу көнне дәүләт мәшгульлек хезмәте тарихы башланып китте. Татарстан Россиядә мәшгульлек хезмәтенең барлыкка килүенә һәм үсешенә үз өлешен кертте.

«Бердәм Россия» белән минем карьерам» проекты кысаларында Зәй шәһәренең халыкны эш белән тәэмин итү үзәге каршында хатын-кызлар клубы ачу турында карар кабул ителде. Бу инициатива охшаш кызыксынулар белән берләшкән хатын-кызлар өчен бердәм аралашу урыны булдыру максатыннан гамәлгә ашырылды.

Татарстанның хезмәт базарында 6,9 мең эшсез кеше теркәлгән, шул ук вакытта төбәк эш бирүчеләре 39 мең вакансия тәкъдим итә. Димәк, һәр эшсез кешегә биш эш тәкъдиме туры килә. Бүген ТР хезмәт, халыкны эш белән тәэмин итү һәм социаль яклау министры Эльмира Зарипова «Татар-информ»да узган матбугат конференциясендә шундый мәгълүмат җиткерде.

«Демография» илкүләм проекты кысаларында узган елда Татарстанда 9 меңнән артык кеше хезмәт базарында кирәкле программалар буенча түләүсез укыту узган. Аларның эшкә урнашу дәрәҗәсе 92 % тәшкил итә. Мондый мәгълүматларны ТР хезмәт, халыкны эш белән тәэмин итү һәм социаль яклау министры Эльмира Зарипова «Татар-информ» мәгълүмат агентлыгында узган матбугат конференциясендә җиткерде.

29 мартта Зәй шәһәренең халыкны эш белән тәэмин итү үзәге юнәлеше буенча эшсезләр арасыннан дүрт кеше «1С: Бухгалтерия» гамәли бухгалтерлык программаларын өйрәнеп бухгалтерлык хисабы һәм салым салу» программасы буенча укуга кереште. Укуны оештыручы – «Эрудит – Селдом» шәхси өстәмә белем бирү учреждениесе (Яр Чаллы шәһәре).

«Бердәм Россия» белән минем карьерам» федераль проекты кысаларында Зәй шәһәренең халыкны эш белән тәэмин итү үзәге эшсез гражданнар өчен район предприятиесенә экскурсия оештырды. 11 дәгъвачы 29 мартта «Зәй крекеры» кондитер фабрикасы» ҖЧҖдә булды.

Беренче «Россия эше. Мөмкинлекләр вакыты» Бөтенроссия эшкә урнаштыру ярминкәсенең төбәк этабы 14 һәм 15 апрельдә Татарстанның барлык шәһәрләрендә узачак. Казанда чара В. И. Ленин исемендәге мәдәни-ял комплексында узачак.

Гражданны ничек эшкә урнаштырырга һәм шул ук вакытта дәүләттән хезмәт хакы түләү өчен субсидия алырга? Бу хакта эш бирүчеләргә Яшел Үзән шәһәренең халыкны эш белән тәэмин итү үзәге белгечләре сөйләде. Очрашуда катнашучылар мондый мөмкинлекне нинди дәүләт программалары бирә икәнен белделәр.

Яшел Үзән шәһәренең халыкны эш белән тәэмин итү үзәгендә 23 мартта үз эшен ачарга һәм дәүләттән бер тапкыр бирелә торган финанс ярдәме алырга теләгән эшсез гражданнарның бизнес-планнарын бәяләү буенча эксперт советы утырышы узды.