ЯҢАЛЫКЛАР

«Демография» милли проектының «Өлкән буын» федераль проекты кысаларында Буа районында «Гармония» халыкка социаль хезмәт күрсәтү комплекслы үзәгендә «Уен терапиясе» социаль технологиясе буенча эш дәвам итә. Өйдә социаль хезмәт күрсәтү бүлегенең социаль эш буенча белгече социаль хезмәт алучылар белән өстәл уеннары үткәрә. Вакыт күңелле аралашуда һәм файда белән үткәрелә.

Буа өлкәннәр һәм инвалидлар өчен интернат-йортында «көмеш» волонтерлар катнашында кич утыру узды.

Минзәлә өлкәннәр һәм инвалидлар өчен интернат-йортында яшәүчеләр Минзәлә шәһәренең балалар иҗаты йорты базасында мультипликация студиясендә булдылар.

Олы яшьтә баш мие эшчәнлеген саклау бик мөһим. Акылны ачык тотар өчен, һәр көн төрле күнегүләр үтәргә кирәк. Хәтер һәм акыл үсеше өчен иң эффектив күнегүләрнең берсе – логик табышмаклар, ребуслар, кроссвордлар, сканвордлар чишү.

Югары Ослан өлкәннәр һәм инвалидлар өчен интернат-йортында Яңа ел остаханәсе ачылды. Бәйрәмгә әзерләнүне социаль хезмәт алучылар, «Иҗат шатлыгы» түгәрәгендә катнашучылар, кәгазь һәм тукымадан чыршы әзерләүдән башладылар.

«Демография» милли проектының «Өлкән буын» федераль проектын тормышка ашыру кысаларында Югары Ослан районы «Өмет утравы» халыкка социаль хезмәт күрсәтү комплекслы үзәгенең социаль хезмәткәрләре инвалидлыгы булган социаль хезмәт алучылар белән «Иң яхшы дару – ул иҗат» дәресләре үткәрәләр.

Инвалидлар декадасы алдыннан Минзәлә өлкәннәр һәм инвалидлар өчен интернат-йортында концерт программасы белән Яр Чаллы шәһәренең «Энергетик» мәдәният сарае артистлары булдылар.

Ноябрьнең соңгы якшәмбесендә Россиядә Әниләр көне билгеләп үтелә. Бәйрәм уңаеннан Буа өлкәннәр һәм инвалидлар өчен интернат-йорт белгечләре «Әйдәгез әле, әбиләр» дип исемләнгән чара уздырдылар. Чара барышында түбәндәге конкурслар үткәрелде: «Бишек җырын искә ал», «Әкият сөйлә», «Ябык күзләр белән портрет яса», «Күз йомып баланы балалар бакчасына әзерлә», «Әни турында җыр җырла».

25 ноябрьдә Әниләр көнен бәйрәм итү һәм «Ял эшчәнлегендә кулинария мәктәбе» технологиясе буенча чаралар планын тормышка ашыру кысаларында Лениногорск районының «Исток-Башлангыч» халыкка социаль хезмәт күрсәтү комплекслы үзәгенең өйгә килеп социаль хезмәт күрсәтү бүлекчәсе социаль хезмәткәрләре волонтерлар белән берлектә хезмәт алучылар янына бардылар. Актив әбиләр, социаль хезмәткәрләр белән берлектә, чәк-чәк ясау буенча мастер-класс үткәрделәр.

Берничә көн Буаның өлкәннәр һәм инвалидлар өчен интернат-йортында социаль хезмәт алучылар учреждение белгечләре белән бергә ашханә өчен декор ясау өстендә эшләделәр.