Югары Ослан интернат-йортында кызыклы программа эшләнде
Югары Ослан өлкәннәр һәм инвалидлар өчен интернат-йортында виртуаль туризм буенча «Бөтен заманнарга сәнгать» программасы эшләнде. Аның бурычы – дөнья мәдәниятендәге иң якты вакыйгалар, күренекле иҗатчылар тормышы, аларның әсәрләре белән таныштыру.
Төркемле дәресләр цивилизацияләр тарихы турында документаль фильмнар карау рәвешендә уза. Борынгы Греция тарихы белән танышудан башладылар. Мәдәни ялны оештыручы Наталья Котова җитәкчелегендә яшәүчеләр безнең көннәргә кадәр сакланган һәйкәлләр, бөек скульптор Фидий иҗаты турында фильмны зур кызыксыну белән карадылар. Борынгы грек мифларын да зур кызыксыну белән тыңладылар.
Программа кысаларындагы чираттагы дәрестә сүз борынгы грек мифлары турында барачак, алар бар нәрсәнең килеп чыгышын аңлата. Наталья Котова сүзләренчә, мондый интеллектуаль чаралар өлкәннәр һәм инвалидларның когнитив функцияләрен үстерүгә һәм саклауга уңай йогынты ясый.