ЯҢАЛЫКЛАР

Минзәлә районындагы халыкка социаль хезмәт күрсәтү комплекслы үзәгенең өйдә социаль хезмәтләр алучылары бәйрәм концертында булдылар. Концерт номерлары беркемне дә битараф калдырмады.

Халыкара өлкәннәр көне кысаларында Минзәлә муниципаль районы башлыгы Айдар Сәлахов, җиденче чакырылыш ТР Дәүләт Советы депутаты Азат Хамаев, социаль яклау бүлеге җитәкчесе Татьяна Мясникова 100 һәм аннан да күбрәк яшьтәге өлкән буын вәкилләрен хөрмәтләделәр.

Зәй шәһәре волонтерлары җирле ветераннар оешмасы белән берлектә «Шатлык» халыкка социаль хезмәт күрсәтү комплекслы үзәге тарафыннан гамәлгә ашырыла торган «Бер сәгатькә ул» проектында актив катнаштылар. Инициатива кысаларында ир-атлар көнкүреш ихтыяҗларын мөстәкыйль рәвештә хәл итү сәләтен югалткан өлкән яшьтәге кешеләргә ярдәм күрсәтә.

Алексеевск районындагы балалар һәм яшүсмерләр өчен «Кайгырту» социаль приютында «Буыннар диалогы» программасын гамәлгә ашыру кысаларында тәрбияче Алексей Шатков «Ярдәм кулыңны суз» акциясе үткәрде. Приютта тәрбияләнүчеләр «көмеш» яшьтәге волонтерларга уңыш җыеп алырга булыштылар.

Аксубай районының «Хыял» балалар һәм яшүсмерләр өчен социаль приютында тәрбияләнүчеләр, «Импульс» волонтерлар отрядына берләшеп, читтә калмаска һәм педагогик хезмәт ветераны Валентина Климовага кулларыннан килгәнчә ярдәм итәргә булдылар. Балалар аның участогына барып, көзге уңыш җыюда булыштылар – бәрәңге алдылар.

Зәйдә өлкәннәргә көнкүреш ярдәме күрсәтүче «Бер сәгатькә ул» социаль проектында катнашучылар «Шатлык» социаль ярдәм үзәгендә комплекслы тернәкләндерү курсына керештеләр. Оештыручылар билгеләп үткәнчә, бу чара «Шатлык» халыкка комплекслы социаль хезмәт күрсәтү үзәгендә өйдә социаль хезмәт алучы ялгыз өлкән яшьтәге гражданнарга даими рәвештә ярдәм итүче активист-волонтерларның физик формасын саклап калуга юнәлдерелгән.

2024 елның декабрендә Зәй муниципаль районы Ветераннар советы белән берлектә «Шатлык» халыкка социаль хезмәт күрсәтү комплекслы үзәге тарафыннан эшләнгән «Бер сәгатькә ул» уникаль социаль проекты старт алды. Бу ялгыз өлкән яшьтәге гражданнарга һәм инвалидларга бушлай көнкүреш ярдәме күрсәтергә мөмкинлек бирә торган инициатива.

«Гаилә» милли проектының «Өлкән буын» федераль проектын гамәлгә ашыру кысаларында өлкән яшьтәге гражданнарны һәм инвалидларны озак вакытлы карау системасын булдыру проектын гамәлгә ашыру өлкән яшьтәге яки тормыш эшчәнлеге чикләнгән кешегә лаеклы тормыш сыйфаты тәэмин итүне күздә тота.

Медицина училищесының өченче курс студенты Варвара Котельникова Чистайның «Юлдашөлкәннәрһәм инвалидлар интернат-йортында кунакта беренче тапкыр гына түгел. Аның аралашуы, ярдәм итүе, уртак чаралар уздыруы, шулай ук социаль хезмәттәшлеге өлкәннәрнең тормыш сыйфатына уңай йогынты ясый. Һәрбер кешегә игътибар һәм кайгыртучанлык күрсәтеп, ул аларның тормышын яхшыртырга, ихлас күңелдән ярдәм күрсәтергә омтыла.

Югары Ослан районында 80 яшьтән өлкәнрәк ялгыз яшәүче гражданнарга ярдәм итү буенча йортларга барып карау дәвам итә. Әлеге чаралар «Гаилә» илкүләм проектының «Өлкән буын» федераль проекты кысаларында үткәрелә.