«Хыял» приютында тәрбияләнүчеләр педагогик хезмәт ветеранына ярдәм күрсәттеләр

2025 елның 5 мае, дүшәмбе

Аксубай районының «Хыял» балалар һәм яшүсмерләр өчен социаль приютының «Импульс» волонтерлар отряды, волонтерлар остазы Елена Кулькова һәм тәрбияче Зинаида Федорова җитәкчелегендә, педагогик хезмәт ветераны Валентина Климовага ярдәм күрсәттеләр. Ул гомер буе мәктәптә эшләгән һәм үсеп килүче буынны укыткан. Тиздән аңа 89 яшь тула, шулай да ул дәртле һәм күңеле белән яшь.

Балалар ишегалдында һәм аның тирә-ягында чисталык, тәртип урнаштырдылар. Эш тәмамланганнан соң Валентина Климова балаларга күрсәткән ярдәмнәре өчен рәхмәт белдерде һәм рәхмәт йөзеннән балаларны сыйлады.

Мондый ярдәм өлкәннәр өчен генә түгел, яшь буын өчен дә бик мөһим, чөнки ул картлыкка ихтирамлы караш һәм актив тормыш позициясе формалаштыруга ярдәм итә.