Зәйнең социаль хезмәткәрләре ялгыз өлкән яшьтәге кешеләрне өйләренә барып кайрыйлар
«Гаилә» милли проектының «Өлкән буын» федераль проектын гамәлгә ашыру кысаларында өлкән яшьтәге гражданнарны һәм инвалидларны озак вакытлы карау системасын булдыру проектын гамәлгә ашыру өлкән яшьтәге яки тормыш эшчәнлеге чикләнгән кешегә лаеклы тормыш сыйфаты тәэмин итүне күздә тота.
Озак вакытлы карау системасын кертүнең өстенлекле бурычларыннан берсе – карауга мохтаҗ гражданнарны ачыклау механизмнарын камилләштерү. Өлкән яшьтәге гражданнарны барып карау – даими чит ярдәмгә мохтаҗ кешеләрне ачыклау өчен төп ысулларның берсе. Аеруча 80 яшьлек һәм аннан өлкәнрәк ялгыз һәм ялгыз яшәүче гражданнар игътибарга лаек.
Бу категория Зәй районының «Шатлык» халыкка социаль хезмәт күрсәтү комплекслы үзәге хезмәткәрләре игътибарында тора.
Чаралар барышында белгечләр шулай ук янгынга каршы профилактика эшләре алып баралар, автоматик янгын хәбәрчеләренең эшен тикшерәләр, ашыгыч хезмәтләрнең телефоннары турында хәбәр итәләр, мәгълүмати листовкалар калдыралар.
Ел башыннан Зәй районында чаралар белән 80 яшьтән өлкәнрәк 919 кеше колачланган. 5 кеше «Шатлык» үзәгендә социаль хезмәтләр ала башлады.